శ్రీలలితానామం 866 867- సూర్య

 🙏"శ్రీమాత్రేనమః"🙏

" అజా, క్షయవినిర్ముక్తా " - అమ్మవారి అద్భుతనామాలు. 

ఇవి శ్రీలలితాసహస్రరహస్యనామాల్లో 866,867వ నామాలు.

" అజా " అంటే పుట్టుక లేనిది. " క్షయవినిర్ముక్తా " అంటే మరణంలేనిది. " పుట్టుక లేనిది " అంటే పుట్టుక ఎప్పుడో కనిపెట్టలేకపోయారు అనుకోవాలి. మరి ఎలా తెలిసింది. మా ఇంటిముందర ఓ పెద్ద రావిచెట్టు ఉండేది. మా అమ్మగారిని " రావిచెట్టు మామ్మ " అని పిలిచేవారు మా బంధువులు. ఆ రావిచెట్టు ఎప్పటినుంచి ఉంది అంటే " ఏమో మీ తాతగారికే తెలీదు " అనేవారు మా అమ్మగారు. ఇప్పుడు భూమి పుట్టి ఎన్నాళ్ళయింది అన్న విషయాన్ని తెలుసుకోవడానికి ప్రయత్నిస్తున్నారు. దానిలో ఒక మార్గం యురేనియం రేడియేషన్ కొలవడం. 

మన ఋషులు తమ తపశ్శక్తిని, జ్ఞాననేత్రాలను ఉపయోగించి " అమ్మ వారు " ఎప్పుడు పుట్టి ఉంటారూ " అని తెలుసుకోవడానికి ప్రయత్నం చేసి ఉంటారు.

ఆ ప్రయత్నంలోనే వారు యుగాలు, మహాయుగాలు, మన్వంతరాలు, కల్పాలను దాటి బ్రహ్మ వరకూ వెళ్ళి కాలగణన చేసి తెలియచేసారు.

ఈ అద్భుత విషయాలను చదివేనేమో 1866 లోనే గ్రీకు జ్యోతిషపండితుడు " కీరో " - భారతీయుల కాలగణన " అద్భుతం " అన్నారు ( ఈయన పేరు ఎందుకంటే " పెరటిమొక్క వైద్యానికి పనికిరాదు " అని సామెత. విదేశీయుడు పైగా గ్రీకు వాడు కనుక ఆయన మాటకు విలువ ఎక్కువ ).

అందుకే వివేకానందులు " ప్రపంచమతాలన్నిటికీ మన హిందూ సనాతన ధర్మమే తల్లి " అన్నారు. 

ఇంకా ఆశ్చర్యకరం ఆనందకరమైన విషయం ఏమిటంటే డేవిడ్ ఫ్రాలే అనే ఆయన అమెరికా పౌరుడు. మన వేదవిజ్ఞానానికి దాసోహమని " వామదేవశాస్త్రి " గా పేరు మార్చుకుని మన " వేదాలు, ఉపనిషత్తులు, ఆయుర్వేదం " లకే జీవితాన్ని అంకితం చేసి ఎన్నో పరిశోధనలు చేసి " గాడ్స్, సేజెస్ & కింగ్స్ " అని పుస్తకం వ్రాసారు. ఆయన అన్నారు " ప్రపంచ జ్ఞానానికి తల్లి ఎవరంటే భారత దేశంలోని హిమాలయ పర్వతసానువుల్లో పుట్టిన వేదవిజ్ఞానమే " అని. ఈయనకు మనదేశం " పద్మభూషణ్ " ఇచ్చి గౌరవించింది.( ఈ విషయాలు ఆయనపేరు కొట్టి చూస్తే గూగుల్లో కనబడతాయి).

అమెరికా జరిపే అంతరిక్షపరిశోధనలకు వాటి ఫలితాలకి " మూలం " ఏమిటీ అనికూడా కొంచెం ఆలోచన చెయ్యవచ్చు. ఋగ్వేదం ( 10:129 ) లో " నాసదీయ సూక్తం " ఉంది. అది సృష్టివివరణ. " నాసా " అనే పేరు కూడా మన తాళపత్రగ్రంధాలలోంచి వచ్చిందేమో.

ఎంతటి అద్భుతం భారతీయ వేదవిజ్ఞానం. విషయాలు చూస్తూంటే వేదాలు " దైవముఖం " గా వచ్చినవే అని చెప్పడంలో సంశయం కిం?.

ఏతత్ సర్వం శ్రీపరదేవతార్పణమస్తు - సూర్య

శుభం భూయాత్

Comments

  1. AnonymousOctober 28, 2023 at 10:13 PM

    సామవేదం నారాయణ శర్మ పేరు మీద నాసా అని పెట్టుంటారు.

    ReplyDelete
  2. SrimatakameswariOctober 29, 2023 at 12:38 AM

    చక్కటి ఆలోచన

    ReplyDelete

Post a Comment

Popular posts from this blog

సీతమ్మతల్లికి సాటి ఎవరు? - చీమలపాటి సూర్యనారాయణ

 🙏"శ్రీరస్తు శుభమస్తు"🙏  " నను బ్రోవమని చెప్పవే    సీతమ్మ తల్లి...." వివేకానందులు అంటారు " ప్రపంచవాజ్మయం అంతా నాశనమయిపోయినా ఒక్క రామాయణం ఉన్నా లేక ఒక్క సీతమ్మను జ్ఞప్తిలో ఉంచుకున్నా భారతజాతి ( సనాతనధర్మం ) మరి కొన్నివేల సంవత్సరాలవరకూ నిలిచి ఉంటుంది " అని. ఎందుకని అంటే " శ్రీరాముడు లాంటి అందగాడు, ధీరోదాత్తుడు, ధర్మపరుడు ఇంకొకరు కనబడవచ్చు శ్రద్ధగా వెదికితే కాని సీతమ్మలాంటి స్త్రీ మాత్రం దొరకదు కాక దొరకదు " అని ఆయన నొక్కి వక్కాణించారు. అమ్మ కౌసల్యను అనునయించి ఒప్పించిన తరువాత రాముడు సీతమ్మ దగ్గరకు వెడతాడు ఆవిడను కూడా అనునయించి అరణ్యవాసానికి బయలుదేరడానికి. " మా తండ్రి నన్ను వనవాసానికి వెళ్ళమన్నారు " అని మాత్రం అనగానే సీతమ్మ " నేను కూడా మీతో పాటే " అంది. మిమ్మల్ని అనుసరిస్తాను అనలేదు. మీముందుండి మీమార్గంలో ఉండే ముళ్ళు రాళ్ళు తొలగిస్తూ మీమార్గం సుగమం చేస్తాను అంది తల్లి.  ఇక్కడ సీతమ్మ ఒక ధర్మసూక్ష్మం తెలియచేసింది జాతికి. తల్లిదండ్రులు, తోబుట్టువులు, సంతానం ఎవరికయినా ఎవరి భాగ్యం వారిదే, ఎవరి కష్టాలు వారివే. కాని ఒక్క భార్యాభర్తలదే ...
Read more

అన్నదానం వల్ల ఎవరెవరికి పుణ్యం వస్తుంది - చీమలపాటి సూర్యనారాయణ

 🙏"శ్రీరస్తు శుభమస్తు"🙏 " న దైవాంశో దదాత్యన్నం    న రుద్రః రుద్రమర్చతి,   నా నృషిః కురుతే కావ్యం    న విష్ణుః పృథివీ పతిః " " దైవాంశ లేని వాడు అన్నదానం చేయలేడు. రుద్రాంశ లేని వాడు దైవపూజ చేయలేడు. ఋషికాని వాడు కావ్యమును వ్రాయలేడు. విష్ణువు అంశలేని వాడు రాజుకాలేడు‌ " అని భావం. అన్నదానం చేయడం అంత చిన్న విషయం కాదు. మాయ దానిని చేయనివ్వదు. ఒకసారి అన్నదానం చేయడం వలన ఎవరెవరికి పుణ్యం కలుగుతుందో చూద్దాం. అన్నదానం చేద్దాం అని సంకల్పం చేసినవారు, ఏర్పాట్లు చేసినవారు, ధనం సమకూర్చినవారు, సరుకులు తెచ్చినవారు, వండినవారు, వడ్డించినవారు, తిన్నతరువాత శుభ్రం చేసినవారు, సరుకులు తేవడంనుంచి శుభ్రం చేసేవరకూ ఏర్పాట్లు చేసినవారు - వీరందరికీ అన్నదానపుణ్యంలో భాగం వస్తుంది.  ఈ పుణ్యాత్ములందరూ ఒకచోట చేరితేనే అన్నదానం సాధ్యమవుతుంది. దానికి దైవాంశ తోడవాలి. అందుకే దైవాంశ లేనివాడు అన్నదానం చేయలేడు అని తెలియచేస్తూంది సుభాషితం. సృష్టికి అన్నమే మూలం. ఇదే " పురుష శక్తి/స్త్రీ అండం " గా మారుతుంది. అందుకే అన్నం పరబ్రహ్మ స్వరూపం అని తెలియచేస్తున్నాయి ఉపనిషత్తులు.  విష్ణుసహస్రంలో స్వామ...
Read more

శ్రీసరస్వతీ దేవి పుట్టినరోజు నేడు,, శుభాకాంక్షలు అందరికీ - చీమలపాటి సూర్యనారాయణ

 🙏"శ్రీమాత్రేనమః"🙏 శ్రీసరస్వతీదేవి " పుట్టినరోజు నేడు. శ్రీపంచమి/వసంతపంచమి/మాఘపంచమి అని వేడుక చేసుకుంటారు భక్తులు. " సరస్వతీ " - అమ్మవారి అద్భుతనామం. ఇది శ్రీలలితాసహస్రరహస్యనామాల్లో 704 వ నామం. " సరస్వతీ " అంటే జ్ఞానాధిష్టానదేవత. అంటే అజ్ఞానాంధకారాన్ని పోగొట్టేది. అజ్ఞానం తొలగుతే సచ్చిదానందమే కదా. " విద్యా దదాతి వినయం,    వినయాత్ యాతి పాత్రతాం,    పాత్రత్వాత్ ధనమాప్నోతి,    ధనాత్ ధర్మం తతో సుఖం " అని చెబుతూంది నరసింహ సుభాషితం .  ఏ జీవి అయినా సుఖాన్నే కోరుకుంటాడు, ఆఖరికి మరణంలో కూడా. ఈ సుఖానికి మూలం విద్య అని తెలుసుకోవాలి. విద్యనుంచే వినయం, అర్హత, ధనం, ధర్మం, సుఖం వరుసగా లభిస్తాయి. ఈనాడు మధ్యతరగతివారి జీవితాలు సుఖమయంగా ఉన్నాయంటే విద్యవలనే అని అర్ధం అవుతూంది. ఇక్కడ విద్య నుంచి వినయం అన్నారు. వినయం అంటే అందరూ అనుకునేది కాదు. ఆదిశంకరులు వినయః అంటే ఉపశమః అని భాష్యం చెప్పారు. అంటే శాంతి. మన పూర్వపు విద్య శాంతిని కలిగించేది. జీవితం సుఖంగా ఉండేది. ఇప్పటి విదేశీవాడు పెట్టిన చదువులు " అశాంతి " ని కలిగిస్తున్నాయి. అందుకే యువత నిస్పృహలో ఉండి...
Read more