Srikameswaridevi

 🙏" శ్రీమాత్రేనమః"🙏 " దురారాధ్యా " అమ్మవారి అద్భుత నామం. ఇది శ్రీలలితాసహస్రరహస్యనామాలలో 771వ నామం. " దురారాధ్యా " అంటే ఇంద్రియనిగ్రహములేని చపలులచే ఆరాధింపశక్యము కానిది అని అర్థం. ఇంద్రియాలను నిగ్రహించుకున్నవారే అమ్మవారిని ఆరాధించడానికి ఎంతో సాధనచేయాలి. ఆ సాధనకు వైరాగ్యం కూడా తోడవాలి. మరి చపలులకు అమ్మవారి ఆరాధన ఎలా సాధ్యపడుతుంది. ఆదిశంకరులు సౌందర్యలహరి స్తోత్రం చేస్తూ ఓ అద్భుత శ్లోకం చేసారు: " పురారాతేరన్తః పురమసి   తాత స్త్వచ్చరణయో   స్సపర్యామర్యాదా    తరళకరణానా మసులభా   తథా హ్యేతే నీతాశ్శత   మఖముఖాస్సిద్ధి మతులాం     తవ ద్వారోపాన్తస్ధితిభి    రణిమాద్యాభిరమరాః " దీనిలో " తరళకరణానాం అసులభా " అన్నారు. తరళ అంటే చపలం, కరళానాం అంటే ఇంద్రియాలు. చపలమైన ఇంద్రియాలు ఉన్నవారికి అమ్మవారు అసులభం, దొరకడం కష్టం అన్నారు. ఎందుకంటే ఇంద్రాది దేవతలు కూడా అమ్మవారి వాకిలి యందున్న అణిమాదైశ్వర్యాలచే అధికంగా సుఖం పొందుతున్నారుట. ఇంద్రాది దేవతలు లాంటి పుణ్యపురుషులే తాత్కాలికమయిన ఐశ్వర్యాల వెంట పడుతూంటే సామాన్యమానవుల పరిస్థితి ఏమిటి అని ఆలో...

  🙏"శ్రీరస్తు శుభమస్తు"🙏 " కాయేన మనసా బుద్ధ్యా           కేవలైరింద్రియైరపి,   యోగినః కర్మ కుర్వంతి     సంగం త్యక్త్వాత్మశుద్ధయే "                   - భ.గీత 5:11 కర్మయోగులు మమతాసక్తిరహితులై కేవలము ఇంద్రియములు, మనస్సు, బుద్ధి, శరీరములద్వారా అంతఃకరణశుద్ధికై కర్మలను ఆచరింతురు.  అంతఃకరణశుద్ధి అన్నారు‌ ఇక్కడ. ప్రతీ మనిషికి అంతరాత్మ ఉంటుంది. అది మనం హద్దు దాటకుండా ఉండడానికి జాగరూకతలు చెబుతూ ఉంటుంది. దానిని ఎల్లవేళలా శుద్ధంగా ఉంచుకోవాలి. పారాయణ చేయాలన్నా, పూజచేయాలన్నా, ప్రవచనం వినాలన్నా ఇంద్రియాలు అవసరమే. ఈ ఇంద్రియాలలో జ్ఞానేంద్రియాలు (5), కర్మేంద్రియాలు (5) బహిఃకరణాలు. కరణాలు అంటే పరికరాలు. వీటిని వాడుకునేవి " అంతఃకరణాలు ". లోపల ఉంటాయి. ఇవి 4. మనస్సు - సంకల్పవికల్పాలు చేసేది. మంచిని చెడునూ కూడా చేయిస్తుంది. బుద్ధి - గ్రహ్యనిర్ణయం - విచక్షణ/గ్రహించడం - మంచి, చెడు లాంటివి. అహంకారం - నేను అనే భావన. పుట్టుకతో మొదలయి మరణించేవరకూ వదలదు. చిత్తం - ( మాయ ) స్మృతి రూపం. ఇది మనస్సును, బుద్ధిని,...

 🙏"శ్రీరస్తు శుభమస్తు"🙏  5/11/2025 న పూజ్యగురువులు శ్రీ గరికిపాటి వారు భక్తి టివి వారి కోటిదీపోత్సవంలో అనుగ్రహభాషణం చేస్తూ శంకరాచార్య విరచిత శివానందలహరి లోని రెండు శ్లోకాలను వివరిస్తూ శంకరులు శివుడితో " నీకు నాకు రాం రాం "  అన్నారు అని తెలియచేసారు. వివరణ చూద్దాం: ఈ 27 వ శ్లోకానికి 60 శ్లోకాల తరువాత వచ్చే 87 వ శ్లోకానికి ఓ చక్కటి సంబంధం ఉంది.  కరస్థే హేమాద్రౌ గిరిశ నికటస్థే  ధనపతౌ గృహస్థే స్వర్భూజా  మర సురభి చింతామణిగణే, శిరఃస్థే శీతాంశౌ చరణయుగళస్థేఽఖిల శుభే కమర్థం దాస్యేఽహం భవతు  భవదర్థం మమ మనః " - 27 ఈ శ్లోకంలో శంకరులు " శివా, కొద్దిగా బంగారం ఇద్దామంటే బంగారు కొండ ( మేరు పర్వతం ) పై కూర్చున్నావు, ధనం ఇద్దామంటే కుబేరుడికే ఐశ్వర్యం ఇచ్చావు, కల్పవృక్షం, కామధేనువు, చింతామణి, శిరస్సుపై చల్లటి చంద్రుడు అందరూ నీ దగ్గరే ఉన్నారు. ఇక నేను నీ దగ్గర లేనిది ఏమివ్వగలను. అందుకని నా " మనస్సు " ను తీసుకో అన్నారు శంకరులు ఈ శ్లోకంలో. అశనం గరళం ఫణీ కలాపో వసనం చర్మ చ వాహనం మహోక్షః, మమ దాస్యసి కిం కిమస్తి శంభో తవ పాదాంబుజభక్తిమేవ దేహి " - 87 ( నేను మనస్సు ఇచ్చ...

🙏"  శ్రీరస్తు శుభమస్తు"🙏 " శ్రేయాన్ ద్రవ్యమయాద్యజ్ఞాత్   జ్ఞానయజ్ఞః పరంతప,   సర్వం కర్మాఖిలం పార్ధ   జ్ఞానే పరిసమాప్యతే " - భ.గీత 4:33 " ద్రవ్యయజ్ఞముకన్నా జ్ఞానయజ్ఞమే శ్రేష్టమయినది. ఏలనన కర్మలన్నియును జ్ఞానమునందే పరిసమాప్తమగును " అన్నారు పరమాత్మ. శంకరాచార్యులు " వచ్చేది గడ్డుకాలం. జీవులు సంసారసాగరంలో నిండా మునిగిపోయి నానా యాతనలు పడుతూ ఉంటారు. వారు యజ్ఞయాగాదులు అవీ ఎక్కడ చేయగలరు " అని ఆలోచించి జ్ఞానకాండను ప్రజల్లోకి తీసుకుని వెడితే ఏ నామజపమో చేసుకోవడం, ఏ అష్టకమో స్తోత్రమో చదువుకోవడమో చేసి సులువుగా తరిస్తారు అని భావించి తన ఆరోగ్యాన్ని కూడా లెక్కచేయకుండా శ్రమించారు. సామాన్యులు కూడా తక్కువశ్రమతో ఎక్కువగా భగవద్కృపకు పాత్రులవడంకోసం సౌందర్యలహరి, శివానందలహరి, పంచకాలు, అష్టకాలు భజగోవిందంలను ప్రసాదించారు. పండితుల సౌలభ్యంకోసం బ్రహ్మసూత్రాలకు, విష్ణుసహస్రానికి భాష్యాలు రచించారు. ఆయన చేసిన అద్భుత కృషివల్లే వెయ్యిఏళ్ళు పైబడి  పరాయిపాలనలో  అందరూ భ్రష్టుపట్టించాలని చూసినా  సనాతనధర్మం చెక్కుచెదరలేదు, నేటికీ నిత్యనూతనంగా ( సనాత్ + అన - సనాత్ అంటే నిత్యనూత...