రాముడు తండ్రితో యుద్ధం చేయనంటే తండ్రి మాటను లెక్కచేయనట్లా? - చీమలపాటి సూర్యనారాయణ

 🙏" శ్రీరస్తు శుభమస్తు"🙏

" అందాల రాముడు

  ఎందువలన దేముడు "

రామాయణం ఇతిహాసం అంటే " ఇతి + హా + సం " - ఇది ఇలాగే జరిగింది అని అర్ధం. రామాయణంలోని వారందరూ వ్యక్తులు. అంతేకాని పాత్రలు కావు.

సీతమ్మవారిని రావణుడు ఎత్తుకుపోవడం రామరావణ యుద్ధం మాత్రమే తెలుసు చాలామందికి. కాని ఎన్నో అద్భుతమైన విషయాలు పొందుపరచబడి ఉన్నాయి ఆ మహాకావ్యంలో. 

రాముడు తండ్రిమాట జవదాటడు అని చదువుకున్నాం మనం. కాని అది కొంతవరకే నిజం. రాముడు తండ్రి మాటలోని ధర్మాన్నే పాటించాడు అన్నది నిజం. రాముడు అరణ్యవాసానికి వెళ్ళిపోతూంటే తండ్రి దశరధుడు అంటాడు " నీకు కావలిసిన సైన్యాన్ని తీసుకుని నాతో యుద్ధంచేసి గెలిచి రాజ్యం తీసుకో. రాజ్యం వీరభోజ్యం. నన్ను ఓడించడం అధర్మం కాదు " అని. మరి శ్రీరాముడు అలా చేసాడా తండ్రి చెప్పాడని. అది ధర్మం కాదు అనుకోవడం వలననే అరణ్యానికి వెళ్ళిపోయాడు.

ఆయన అరణ్యానికి వెడుతూంటే తల్లి కౌసల్య ఆశీర్వదిస్తుంది: 

" యం పాలయసి ధర్మం 

  త్వధృత్వాచనియేనచ, 

  సవై రాఘవశార్దూల 

  ధర్మస్త్వామభిరక్షతు " అని.

అంటే " రాముడు ఏధర్మాన్ని అనుసరిస్తాడో ఆ ధర్మమే అతన్ని రక్షిస్తుంది " అని.

గురువుమాట వేదవాక్కు. వశిష్టుడు వారి కులగురువు. తిరిగివచ్చి రాజ్యాన్ని స్వీకరించమని ఎవరు చెప్పినా రాముడు వినకపోవడంతో వశిష్టుడుని నచ్చచెప్పమంటారు. " తండ్రి మరణించాక పెద్దకుమారుడు రాజ్యాన్ని స్వీకరించి పాలనచెయ్యడం శాస్త్రసమ్మతమే కాని అధర్మం కాదు, వచ్చి రాజ్యాన్ని స్వీకరించు " అని వశిష్టుడు చెప్పినా రాముడు ఒప్పుకోలేదు. అది ఋజువర్తనం కాదు, అలా నాలాంటివారు చేస్తే ప్రకృతి ( సూర్యుడు, భూమి, గాలి, నీరు వంటివి ) సహకరించదు, కరువుకాటకాలతో ప్రజలు నానాబాధలు పడతారు అంటాడు. అంటే కులగురువు చెప్పినా కూడా రాముడు అత్యుత్తమమైన ధర్మానికే కట్టుబడ్డాడు. శ్రీరామచంద్రుడు మూర్తీభవించిన ధర్మం.

ఆశ్చర్యకరము అద్భుతము అయిన విషయేమిటంటే 

ఒక రాక్షసుడు, మారీచుడు, అన్నాడు " రామో విగ్రహవాన్ ధర్మః " అని. అంటే " ధర్మానికి ఓ రూపం ఇస్తే అది రాముడు లా ఉంటుంది " అని. ఎంత అద్భుత విషయం. 

అంతటి ధర్మపరుడు కనుకనే శ్రీరాముడు ఆదర్శపురుషుడు అయాడు, వేల సంవత్సరాలుగా పూజింపబడుతున్నాడు. దేశప్రజలంతా వేల సం.లు అయిపోయినా నేటికీ " మా రామయ్యతండ్రి " అని తలుచుకుని మురిసిపోతున్నారు.

" అందాల రాముడు

  అందువలన దేముడు "

నేడు " భోగి పండుగ " - శుభాకాంక్షలు.

ఏతత్ సర్వం శ్రీశ్రీరామచంద్రార్పణమస్తు - సూర్య. 

శుభం భూయాత్

Comments

  1. AnonymousJanuary 14, 2024 at 8:17 AM

    రాజ్యాన్ని తిరిగి తీసుకోవడం గురించి దశరథ మహారాజు మరియు శ్రీరాముడు మధ్య జరిగిన సంభాషణ గురించి వాల్మీకి రామాయణంలోని శ్లోకాలను దయచేసి ఇవ్వండి

    ReplyDelete
  2. SrimatakameswariJanuary 14, 2024 at 8:03 PM

    శుభమస్తు. మీ పేరు ఫోన్ నంబరు పెట్టండి

    ReplyDelete

Post a Comment

Popular posts from this blog

సీతమ్మతల్లికి సాటి ఎవరు? - చీమలపాటి సూర్యనారాయణ

 🙏"శ్రీరస్తు శుభమస్తు"🙏  " నను బ్రోవమని చెప్పవే    సీతమ్మ తల్లి...." వివేకానందులు అంటారు " ప్రపంచవాజ్మయం అంతా నాశనమయిపోయినా ఒక్క రామాయణం ఉన్నా లేక ఒక్క సీతమ్మను జ్ఞప్తిలో ఉంచుకున్నా భారతజాతి ( సనాతనధర్మం ) మరి కొన్నివేల సంవత్సరాలవరకూ నిలిచి ఉంటుంది " అని. ఎందుకని అంటే " శ్రీరాముడు లాంటి అందగాడు, ధీరోదాత్తుడు, ధర్మపరుడు ఇంకొకరు కనబడవచ్చు శ్రద్ధగా వెదికితే కాని సీతమ్మలాంటి స్త్రీ మాత్రం దొరకదు కాక దొరకదు " అని ఆయన నొక్కి వక్కాణించారు. అమ్మ కౌసల్యను అనునయించి ఒప్పించిన తరువాత రాముడు సీతమ్మ దగ్గరకు వెడతాడు ఆవిడను కూడా అనునయించి అరణ్యవాసానికి బయలుదేరడానికి. " మా తండ్రి నన్ను వనవాసానికి వెళ్ళమన్నారు " అని మాత్రం అనగానే సీతమ్మ " నేను కూడా మీతో పాటే " అంది. మిమ్మల్ని అనుసరిస్తాను అనలేదు. మీముందుండి మీమార్గంలో ఉండే ముళ్ళు రాళ్ళు తొలగిస్తూ మీమార్గం సుగమం చేస్తాను అంది తల్లి.  ఇక్కడ సీతమ్మ ఒక ధర్మసూక్ష్మం తెలియచేసింది జాతికి. తల్లిదండ్రులు, తోబుట్టువులు, సంతానం ఎవరికయినా ఎవరి భాగ్యం వారిదే, ఎవరి కష్టాలు వారివే. కాని ఒక్క భార్యాభర్తలదే ...
Read more

అన్నదానం వల్ల ఎవరెవరికి పుణ్యం వస్తుంది - చీమలపాటి సూర్యనారాయణ

 🙏"శ్రీరస్తు శుభమస్తు"🙏 " న దైవాంశో దదాత్యన్నం    న రుద్రః రుద్రమర్చతి,   నా నృషిః కురుతే కావ్యం    న విష్ణుః పృథివీ పతిః " " దైవాంశ లేని వాడు అన్నదానం చేయలేడు. రుద్రాంశ లేని వాడు దైవపూజ చేయలేడు. ఋషికాని వాడు కావ్యమును వ్రాయలేడు. విష్ణువు అంశలేని వాడు రాజుకాలేడు‌ " అని భావం. అన్నదానం చేయడం అంత చిన్న విషయం కాదు. మాయ దానిని చేయనివ్వదు. ఒకసారి అన్నదానం చేయడం వలన ఎవరెవరికి పుణ్యం కలుగుతుందో చూద్దాం. అన్నదానం చేద్దాం అని సంకల్పం చేసినవారు, ఏర్పాట్లు చేసినవారు, ధనం సమకూర్చినవారు, సరుకులు తెచ్చినవారు, వండినవారు, వడ్డించినవారు, తిన్నతరువాత శుభ్రం చేసినవారు, సరుకులు తేవడంనుంచి శుభ్రం చేసేవరకూ ఏర్పాట్లు చేసినవారు - వీరందరికీ అన్నదానపుణ్యంలో భాగం వస్తుంది.  ఈ పుణ్యాత్ములందరూ ఒకచోట చేరితేనే అన్నదానం సాధ్యమవుతుంది. దానికి దైవాంశ తోడవాలి. అందుకే దైవాంశ లేనివాడు అన్నదానం చేయలేడు అని తెలియచేస్తూంది సుభాషితం. సృష్టికి అన్నమే మూలం. ఇదే " పురుష శక్తి/స్త్రీ అండం " గా మారుతుంది. అందుకే అన్నం పరబ్రహ్మ స్వరూపం అని తెలియచేస్తున్నాయి ఉపనిషత్తులు.  విష్ణుసహస్రంలో స్వామ...
Read more

శ్రీసరస్వతీ దేవి పుట్టినరోజు నేడు,, శుభాకాంక్షలు అందరికీ - చీమలపాటి సూర్యనారాయణ

 🙏"శ్రీమాత్రేనమః"🙏 శ్రీసరస్వతీదేవి " పుట్టినరోజు నేడు. శ్రీపంచమి/వసంతపంచమి/మాఘపంచమి అని వేడుక చేసుకుంటారు భక్తులు. " సరస్వతీ " - అమ్మవారి అద్భుతనామం. ఇది శ్రీలలితాసహస్రరహస్యనామాల్లో 704 వ నామం. " సరస్వతీ " అంటే జ్ఞానాధిష్టానదేవత. అంటే అజ్ఞానాంధకారాన్ని పోగొట్టేది. అజ్ఞానం తొలగుతే సచ్చిదానందమే కదా. " విద్యా దదాతి వినయం,    వినయాత్ యాతి పాత్రతాం,    పాత్రత్వాత్ ధనమాప్నోతి,    ధనాత్ ధర్మం తతో సుఖం " అని చెబుతూంది నరసింహ సుభాషితం .  ఏ జీవి అయినా సుఖాన్నే కోరుకుంటాడు, ఆఖరికి మరణంలో కూడా. ఈ సుఖానికి మూలం విద్య అని తెలుసుకోవాలి. విద్యనుంచే వినయం, అర్హత, ధనం, ధర్మం, సుఖం వరుసగా లభిస్తాయి. ఈనాడు మధ్యతరగతివారి జీవితాలు సుఖమయంగా ఉన్నాయంటే విద్యవలనే అని అర్ధం అవుతూంది. ఇక్కడ విద్య నుంచి వినయం అన్నారు. వినయం అంటే అందరూ అనుకునేది కాదు. ఆదిశంకరులు వినయః అంటే ఉపశమః అని భాష్యం చెప్పారు. అంటే శాంతి. మన పూర్వపు విద్య శాంతిని కలిగించేది. జీవితం సుఖంగా ఉండేది. ఇప్పటి విదేశీవాడు పెట్టిన చదువులు " అశాంతి " ని కలిగిస్తున్నాయి. అందుకే యువత నిస్పృహలో ఉండి...
Read more