పైకి శ్రీరామజపం చేస్తూ లోపల కత్తులు నూరడం న్యాయమా? - చీమలపాటి సూర్యనారాయణ

 🙏" శ్రీరస్తు శుభమస్తు "🙏

" శ్రేయాన్ స్వధర్మో విగుణః 

  పరధర్మాత్ స్వనుష్ఠితాత్,

  స్వధర్మే నిధనం శ్రేయః 

  పరధర్మో భయావహః " 

              - భ.గీత 3:35

" పరధర్మమును చక్కగా నిర్వహించుటకన్నను గుణరహితమైనను స్వధర్మమును ఆచరించుట ఉత్తమము. పరధర్మపాలనము హానికరమైనది. దానిని పాటించుటకన్నను స్వధర్మపాలనమునందు నాశనమును పొందుటయైనను ఉత్తమమైనది " అన్నారు పరమాత్మ.

కొద్దిగా లోపాలున్నా స్వధర్మమే మేలు, పరధర్మం భయంకరమైనది అన్నారు పరమాత్మ గీతలో.

దేశమే కాకుండా ప్రపంచమంతా జనవరి 22 దగ్గర పడుతూంటే శ్రీరామ జపంతో ఉప్పొంగిపోతూంటే ఒక నాయకుడు " వారు బయటకు రామజపం, లోపల కత్తులు నూరడం చేస్తారు " అని ప్రకటన చేసారు.

ధర్మానికి హాని జరిగే అవకాశముందని అనిపిస్తే కత్తులు నూరి తయారుగా పెట్టుకోవాలి, తప్పుకాదు.

ఓ ఉదాహరణ చూద్దాం. ఓ పెద్దాయన ఉదయాన్నే సంధ్యావందనం, విష్ణు/లలిత సహస్రనామపారాయణం, శ్రద్ధగా పూజ చేసుకుంటారు రోజూ. సాయంత్రం అవగానే ఆల్ ఔట్ స్విచ్ వేస్తారు. పైగా దోమల బ్యాట్ పట్టుకుని కూర్చుంటారు. దోమ కనబడగానే బ్యాట్ తో ఠప్ అనిపిస్తారు. వంటింట్లో బొద్దింకలు చావడానికి జెల్ చుక్కలు పెడతారు. ఎలక ఇంట్లో తిరుగుతూంటే 2,3 చోట్ల మందుపెట్టి అది చచ్చాక బయటపడవేయిస్తారు.

ఇంతటి గుణవంతుడికి ఇతర జీవులని చంపవలసిన అవసరం/హక్కు ఉందా అంటే ఉంది. ఈ జీవులన్నీ ఈయన ధర్మకార్యానికి హాని చేస్తున్నాయి.

పూజచేయాలన్నా, అన్నీ ఇచ్చి రక్షిస్తూన్న అమ్మవారికి కనీసం పప్పు, కూరతో నైవేద్యం పెట్టాలన్నా, ఎవరికైనా అవసరానికి సహాయపడాలన్నా శరీరం సహకరించాలి. అందుకే శరీరధారణని అంటే వ్యాయామం ని ( నడక, పరుగు, ఆటలు ) కూడా యజ్ఞం అంటారు. శ్రద్ధగా చేసి శరీరాన్ని ఎప్పుడూ ఆరోగ్యంగా ఉంచుకోవాలి.

మరి పై జీవులన్నీ ఏమి చేస్తున్నాయి. శరీరానికి హాని చేస్తున్నాయి. జాగ్రత్తగా ఉండి వాటిని తుదముట్టించకపోతే హాస్పిటల్ లో చేరవలసి వస్తుంది, లేదా ప్రాణం కూడా పోవచ్చు. ఇంక ధర్మపాలన ఎలా కుదురుతుంది.

పైకి రామనామజపం చేస్తూన్నా లోపల " ధర్మరక్షణకోసం " కత్తులు నూరుతూ కూడా ఉండాలి. తప్పుకాదు.

" ధర్మో రక్షతి రక్షితః "

ఏతత్ సర్వం శ్రీశ్రీకృష్ణార్పణమస్తు - సూర్య.

శుభం భూయత్

Comments

  1. AnonymousJanuary 16, 2024 at 10:28 PM

    Sarigga selavichharu. Violence is justified and is a form of defence for protecting Dgarma.

    ReplyDelete
  2. SrimatakameswariJanuary 16, 2024 at 10:40 PM

    Pl give ur name n mobile number

    ReplyDelete

Post a Comment

Popular posts from this blog

సీతమ్మతల్లికి సాటి ఎవరు? - చీమలపాటి సూర్యనారాయణ

 🙏"శ్రీరస్తు శుభమస్తు"🙏  " నను బ్రోవమని చెప్పవే    సీతమ్మ తల్లి...." వివేకానందులు అంటారు " ప్రపంచవాజ్మయం అంతా నాశనమయిపోయినా ఒక్క రామాయణం ఉన్నా లేక ఒక్క సీతమ్మను జ్ఞప్తిలో ఉంచుకున్నా భారతజాతి ( సనాతనధర్మం ) మరి కొన్నివేల సంవత్సరాలవరకూ నిలిచి ఉంటుంది " అని. ఎందుకని అంటే " శ్రీరాముడు లాంటి అందగాడు, ధీరోదాత్తుడు, ధర్మపరుడు ఇంకొకరు కనబడవచ్చు శ్రద్ధగా వెదికితే కాని సీతమ్మలాంటి స్త్రీ మాత్రం దొరకదు కాక దొరకదు " అని ఆయన నొక్కి వక్కాణించారు. అమ్మ కౌసల్యను అనునయించి ఒప్పించిన తరువాత రాముడు సీతమ్మ దగ్గరకు వెడతాడు ఆవిడను కూడా అనునయించి అరణ్యవాసానికి బయలుదేరడానికి. " మా తండ్రి నన్ను వనవాసానికి వెళ్ళమన్నారు " అని మాత్రం అనగానే సీతమ్మ " నేను కూడా మీతో పాటే " అంది. మిమ్మల్ని అనుసరిస్తాను అనలేదు. మీముందుండి మీమార్గంలో ఉండే ముళ్ళు రాళ్ళు తొలగిస్తూ మీమార్గం సుగమం చేస్తాను అంది తల్లి.  ఇక్కడ సీతమ్మ ఒక ధర్మసూక్ష్మం తెలియచేసింది జాతికి. తల్లిదండ్రులు, తోబుట్టువులు, సంతానం ఎవరికయినా ఎవరి భాగ్యం వారిదే, ఎవరి కష్టాలు వారివే. కాని ఒక్క భార్యాభర్తలదే ...
Read more

అన్నదానం వల్ల ఎవరెవరికి పుణ్యం వస్తుంది - చీమలపాటి సూర్యనారాయణ

 🙏"శ్రీరస్తు శుభమస్తు"🙏 " న దైవాంశో దదాత్యన్నం    న రుద్రః రుద్రమర్చతి,   నా నృషిః కురుతే కావ్యం    న విష్ణుః పృథివీ పతిః " " దైవాంశ లేని వాడు అన్నదానం చేయలేడు. రుద్రాంశ లేని వాడు దైవపూజ చేయలేడు. ఋషికాని వాడు కావ్యమును వ్రాయలేడు. విష్ణువు అంశలేని వాడు రాజుకాలేడు‌ " అని భావం. అన్నదానం చేయడం అంత చిన్న విషయం కాదు. మాయ దానిని చేయనివ్వదు. ఒకసారి అన్నదానం చేయడం వలన ఎవరెవరికి పుణ్యం కలుగుతుందో చూద్దాం. అన్నదానం చేద్దాం అని సంకల్పం చేసినవారు, ఏర్పాట్లు చేసినవారు, ధనం సమకూర్చినవారు, సరుకులు తెచ్చినవారు, వండినవారు, వడ్డించినవారు, తిన్నతరువాత శుభ్రం చేసినవారు, సరుకులు తేవడంనుంచి శుభ్రం చేసేవరకూ ఏర్పాట్లు చేసినవారు - వీరందరికీ అన్నదానపుణ్యంలో భాగం వస్తుంది.  ఈ పుణ్యాత్ములందరూ ఒకచోట చేరితేనే అన్నదానం సాధ్యమవుతుంది. దానికి దైవాంశ తోడవాలి. అందుకే దైవాంశ లేనివాడు అన్నదానం చేయలేడు అని తెలియచేస్తూంది సుభాషితం. సృష్టికి అన్నమే మూలం. ఇదే " పురుష శక్తి/స్త్రీ అండం " గా మారుతుంది. అందుకే అన్నం పరబ్రహ్మ స్వరూపం అని తెలియచేస్తున్నాయి ఉపనిషత్తులు.  విష్ణుసహస్రంలో స్వామ...
Read more

శ్రీసరస్వతీ దేవి పుట్టినరోజు నేడు,, శుభాకాంక్షలు అందరికీ - చీమలపాటి సూర్యనారాయణ

 🙏"శ్రీమాత్రేనమః"🙏 శ్రీసరస్వతీదేవి " పుట్టినరోజు నేడు. శ్రీపంచమి/వసంతపంచమి/మాఘపంచమి అని వేడుక చేసుకుంటారు భక్తులు. " సరస్వతీ " - అమ్మవారి అద్భుతనామం. ఇది శ్రీలలితాసహస్రరహస్యనామాల్లో 704 వ నామం. " సరస్వతీ " అంటే జ్ఞానాధిష్టానదేవత. అంటే అజ్ఞానాంధకారాన్ని పోగొట్టేది. అజ్ఞానం తొలగుతే సచ్చిదానందమే కదా. " విద్యా దదాతి వినయం,    వినయాత్ యాతి పాత్రతాం,    పాత్రత్వాత్ ధనమాప్నోతి,    ధనాత్ ధర్మం తతో సుఖం " అని చెబుతూంది నరసింహ సుభాషితం .  ఏ జీవి అయినా సుఖాన్నే కోరుకుంటాడు, ఆఖరికి మరణంలో కూడా. ఈ సుఖానికి మూలం విద్య అని తెలుసుకోవాలి. విద్యనుంచే వినయం, అర్హత, ధనం, ధర్మం, సుఖం వరుసగా లభిస్తాయి. ఈనాడు మధ్యతరగతివారి జీవితాలు సుఖమయంగా ఉన్నాయంటే విద్యవలనే అని అర్ధం అవుతూంది. ఇక్కడ విద్య నుంచి వినయం అన్నారు. వినయం అంటే అందరూ అనుకునేది కాదు. ఆదిశంకరులు వినయః అంటే ఉపశమః అని భాష్యం చెప్పారు. అంటే శాంతి. మన పూర్వపు విద్య శాంతిని కలిగించేది. జీవితం సుఖంగా ఉండేది. ఇప్పటి విదేశీవాడు పెట్టిన చదువులు " అశాంతి " ని కలిగిస్తున్నాయి. అందుకే యువత నిస్పృహలో ఉండి...
Read more