ధర్మం వేరు. ధర్మసూక్ష్మం వేరు - చీమలపాటి సూర్యనారాయణ

 🙏"శ్రీరస్తు శుభమస్తు"🙏 

ధర్మం వేరు. ధర్మసూక్ష్మం వేరు. 

కొన్ని విషయాలు పైకి అధర్మంలా కనబడుతాయి. కాని తరచి విచారించి చూస్తే ధర్మమని తెలుస్తుంది. అదే ధర్మసూక్ష్మం. ఈ విషయం తార వాలితో రెండోసారి సుగ్రీవుడితో యుద్ధానికి వెళ్ళేటప్పుడు చెబుతుంది. 

వాలి అంటాడు తారతో - రాముడు ధర్మాత్ముడు అంటున్నావు కదా, నాతో అతనికి శత్రుత్వంలేదు కదా, నన్నెందుకు చంపుతాడు. చంపుతే రాముడు అధర్మపరుడేగా - అని. అప్పుడు ధర్మసూక్ష్మం గురించి చెబుతుంది తార.

నిన్ను చంపడం అధర్మం కదా అని అంటావు నువ్వు. కాని రాముడు పరమధర్మాత్ముడు. ఆయన ధర్మాన్ని కాదు, ధర్మసూక్ష్మాన్ని చూస్తారు.

" సుగ్రీవుడు నీ తమ్ముడు. తమ్ముడు కొడుకుతో సమానం. అతను ఎప్పుడూ నీకు చెడుచేయాలని అనుకోలేదు, చెడు చేయలేదు. ఎల్లప్పుడూ నీ మంచినే కోరాడు. అతను ఎల్లప్పుడూ నీ ప్రక్కన ఉండాలి. అతనితో శతృత్వాన్ని వదిలేసి ఆదరించు " అని చెబుతుంది తార. స్త్రీజాతి ఉన్నతమనస్సును రాజనీతిజ్ఞతను ఎంత అద్భుతంగా తెలియచేసారు వాల్మీకిమహర్షి. 

రాముడు బాణం వేసి కొట్టాడు వాలిని. కాని వెంటనే చనిపోయేటట్లు కొట్టలేదు. ఎందుకని?. వాలి సందేహాలు తీర్చాలి కదా. ధర్మసూక్ష్మం తెలియచేయాలి కదా. రాముడు చెట్టు చాటునుంచి కొట్టడం అధర్మంలా కనిపిస్తుంది కాని దానిలో ఉన్న ధర్మసూక్ష్మం తెలుసుకుంటే సందేహం తీరుతుంది.

అలాగే కృష్ణపరమాత్మ, భీష్ముడు, ద్రోణుడు మొ.గు వారు చేసినది అధర్మం కదా అని అనిపిస్తుంది కొందరికి. కాని తరచి చూస్తే దానిలోని ధర్మసూక్ష్మం తెలుస్తుంది. వారందరు పరమధర్మాత్ములు.‌ వారి జీవితాలలో అధర్మానికి తావులేదు.‌ ఆ దృష్టితో ఆలోచించి మంచి గురువును పట్టుకుని అలా " అధర్మం " లా కనిపించిన విషయం వెనుకనున్న " ధర్మసూక్ష్మం " ని తెలుసుకునేందుకు ప్రయత్నం చేయాలి.

రామో విగ్రహవాన్ ధర్మః - శ్రీరామచంద్రుడు.

ధర్మస్య ప్రభుః రక్షితః - కృష్ణపరమాత్మ.

ఓ చక్కటి ఉదాహరణ చూద్దాం. పిల్లలకి తల్లిదండ్రులు తమవిషయంలో చేస్తూన్న కొన్ని పనులు అధర్మంగా కనిపిస్తూంటాయి. కానీ తరచి చూస్తే ధర్మసూక్ష్మం కనిపిస్తుంది. తల్లిదండ్రులు పిల్లల విషయంలో అధర్మం చేయరు ఎప్పుడూ. వారు తమ పిల్లలవిషయంలో నిస్వార్ధపరులు. పిల్లల ఉన్నతి, క్షేమం కన్నా వారికి కావలసినది ఏమీ ఉండదు.

గొప్పవారి విషయంలో ఏదయినా " అధర్మం " గా అని అనిపిస్తే " ధర్మసూక్ష్మం " ని తెలుసుకునే ప్రయత్నం చేయాలి.

ఏతత్ సర్వం శ్రీశ్రీకృష్ణార్పణమస్తు - సూర్య.

శుభం భూయాత్

Comments

Post a Comment

Popular posts from this blog

సీతమ్మతల్లికి సాటి ఎవరు? - చీమలపాటి సూర్యనారాయణ

 🙏"శ్రీరస్తు శుభమస్తు"🙏  " నను బ్రోవమని చెప్పవే    సీతమ్మ తల్లి...." వివేకానందులు అంటారు " ప్రపంచవాజ్మయం అంతా నాశనమయిపోయినా ఒక్క రామాయణం ఉన్నా లేక ఒక్క సీతమ్మను జ్ఞప్తిలో ఉంచుకున్నా భారతజాతి ( సనాతనధర్మం ) మరి కొన్నివేల సంవత్సరాలవరకూ నిలిచి ఉంటుంది " అని. ఎందుకని అంటే " శ్రీరాముడు లాంటి అందగాడు, ధీరోదాత్తుడు, ధర్మపరుడు ఇంకొకరు కనబడవచ్చు శ్రద్ధగా వెదికితే కాని సీతమ్మలాంటి స్త్రీ మాత్రం దొరకదు కాక దొరకదు " అని ఆయన నొక్కి వక్కాణించారు. అమ్మ కౌసల్యను అనునయించి ఒప్పించిన తరువాత రాముడు సీతమ్మ దగ్గరకు వెడతాడు ఆవిడను కూడా అనునయించి అరణ్యవాసానికి బయలుదేరడానికి. " మా తండ్రి నన్ను వనవాసానికి వెళ్ళమన్నారు " అని మాత్రం అనగానే సీతమ్మ " నేను కూడా మీతో పాటే " అంది. మిమ్మల్ని అనుసరిస్తాను అనలేదు. మీముందుండి మీమార్గంలో ఉండే ముళ్ళు రాళ్ళు తొలగిస్తూ మీమార్గం సుగమం చేస్తాను అంది తల్లి.  ఇక్కడ సీతమ్మ ఒక ధర్మసూక్ష్మం తెలియచేసింది జాతికి. తల్లిదండ్రులు, తోబుట్టువులు, సంతానం ఎవరికయినా ఎవరి భాగ్యం వారిదే, ఎవరి కష్టాలు వారివే. కాని ఒక్క భార్యాభర్తలదే ...
Read more

అన్నదానం వల్ల ఎవరెవరికి పుణ్యం వస్తుంది - చీమలపాటి సూర్యనారాయణ

 🙏"శ్రీరస్తు శుభమస్తు"🙏 " న దైవాంశో దదాత్యన్నం    న రుద్రః రుద్రమర్చతి,   నా నృషిః కురుతే కావ్యం    న విష్ణుః పృథివీ పతిః " " దైవాంశ లేని వాడు అన్నదానం చేయలేడు. రుద్రాంశ లేని వాడు దైవపూజ చేయలేడు. ఋషికాని వాడు కావ్యమును వ్రాయలేడు. విష్ణువు అంశలేని వాడు రాజుకాలేడు‌ " అని భావం. అన్నదానం చేయడం అంత చిన్న విషయం కాదు. మాయ దానిని చేయనివ్వదు. ఒకసారి అన్నదానం చేయడం వలన ఎవరెవరికి పుణ్యం కలుగుతుందో చూద్దాం. అన్నదానం చేద్దాం అని సంకల్పం చేసినవారు, ఏర్పాట్లు చేసినవారు, ధనం సమకూర్చినవారు, సరుకులు తెచ్చినవారు, వండినవారు, వడ్డించినవారు, తిన్నతరువాత శుభ్రం చేసినవారు, సరుకులు తేవడంనుంచి శుభ్రం చేసేవరకూ ఏర్పాట్లు చేసినవారు - వీరందరికీ అన్నదానపుణ్యంలో భాగం వస్తుంది.  ఈ పుణ్యాత్ములందరూ ఒకచోట చేరితేనే అన్నదానం సాధ్యమవుతుంది. దానికి దైవాంశ తోడవాలి. అందుకే దైవాంశ లేనివాడు అన్నదానం చేయలేడు అని తెలియచేస్తూంది సుభాషితం. సృష్టికి అన్నమే మూలం. ఇదే " పురుష శక్తి/స్త్రీ అండం " గా మారుతుంది. అందుకే అన్నం పరబ్రహ్మ స్వరూపం అని తెలియచేస్తున్నాయి ఉపనిషత్తులు.  విష్ణుసహస్రంలో స్వామ...
Read more

శ్రీసరస్వతీ దేవి పుట్టినరోజు నేడు,, శుభాకాంక్షలు అందరికీ - చీమలపాటి సూర్యనారాయణ

 🙏"శ్రీమాత్రేనమః"🙏 శ్రీసరస్వతీదేవి " పుట్టినరోజు నేడు. శ్రీపంచమి/వసంతపంచమి/మాఘపంచమి అని వేడుక చేసుకుంటారు భక్తులు. " సరస్వతీ " - అమ్మవారి అద్భుతనామం. ఇది శ్రీలలితాసహస్రరహస్యనామాల్లో 704 వ నామం. " సరస్వతీ " అంటే జ్ఞానాధిష్టానదేవత. అంటే అజ్ఞానాంధకారాన్ని పోగొట్టేది. అజ్ఞానం తొలగుతే సచ్చిదానందమే కదా. " విద్యా దదాతి వినయం,    వినయాత్ యాతి పాత్రతాం,    పాత్రత్వాత్ ధనమాప్నోతి,    ధనాత్ ధర్మం తతో సుఖం " అని చెబుతూంది నరసింహ సుభాషితం .  ఏ జీవి అయినా సుఖాన్నే కోరుకుంటాడు, ఆఖరికి మరణంలో కూడా. ఈ సుఖానికి మూలం విద్య అని తెలుసుకోవాలి. విద్యనుంచే వినయం, అర్హత, ధనం, ధర్మం, సుఖం వరుసగా లభిస్తాయి. ఈనాడు మధ్యతరగతివారి జీవితాలు సుఖమయంగా ఉన్నాయంటే విద్యవలనే అని అర్ధం అవుతూంది. ఇక్కడ విద్య నుంచి వినయం అన్నారు. వినయం అంటే అందరూ అనుకునేది కాదు. ఆదిశంకరులు వినయః అంటే ఉపశమః అని భాష్యం చెప్పారు. అంటే శాంతి. మన పూర్వపు విద్య శాంతిని కలిగించేది. జీవితం సుఖంగా ఉండేది. ఇప్పటి విదేశీవాడు పెట్టిన చదువులు " అశాంతి " ని కలిగిస్తున్నాయి. అందుకే యువత నిస్పృహలో ఉండి...
Read more