కీర్తనల్లో అంత అంతరార్ధం ఉంటుందా? - చీమలపాటి సూర్యనారాయణ

 🙏"శ్రీరస్తు శుభమస్తు"🙏

వాగ్గేయకారుల కీర్తనలు సాధారణంగా 6/8 పంక్తులలో ఉంటాయి. పదాలు కూడా తేలికభాషలో ఉంటాయి. ఆశ్చర్యంగా అనిపిస్తుంది కాని సరిగ్గా సాహిత్యాన్ని చదివి అర్ధం చేసుకుంటే వారి అత్యద్భత విద్వత్తు తెలుస్తుంది, అబ్బురంగా అనిపిస్తుంది.

త్యాగయ్య ఓ కీర్తనలో ఇలా అంటారు:

" ఆడమోడి గలదే రామయ్య

  మాటలాడమోడి గలదే  

                          రామయ్య

  చదువులన్ని దెలిసి   

  శంకరాంశుడై

  సదయుదాశుగ సంభవుండు  

  మ్రొక్క గదలు తమ్ముని  

  బల్కజేసితివి గాకను   

  త్యాగరాజేపాటి మాటలా "

ఎంతో సామాన్యంగా కనబడుతూంది ఈ కీర్తన. మోడి అంటే బింకం(ట), తెలుగు పదం. 

కీర్తన అర్ధం:

" ఎన్నో కీర్తనలతో నిత్యం నిన్ను పూజిస్తూంటే నాతో మాట్లాడవేమిటయ్యా. అంత బింకమేమిటయ్యా?.

సకలశాస్త్రపారంగతుడు శంకరాంశుడు అయిన హనుమ ( ఆశుగసంభవుడు అంటే వాయుపుత్రుడు ) తోనే తమ్ముడు లక్ష్మణుడితో మాట్లాడించావు ( నువ్వు మాట్లాడకుండా ). ఇక నెనెంత అంటారు " త్యాగయ్య.

ఈ కీర్తనలో ఒక అద్భుతమైన రామాయణ ఘట్టం ఉంది. రామాయణం శ్రద్ధగా చదివిన/విన్న వారికి మాత్రమే ఆ విషయం తెలుస్తుంది.

రామలక్ష్మణులు సీతాదేవిని వెదుకుతూ ఋష్యమూక పర్వతం దగ్గరకు వస్తూన్నప్పుడు సుగ్రీవుడు చూసి శతృవులేమో అని కలవరపడతాడు. 

హనుమ " వారెవరో, ఎందుకు వస్తున్నారో తెలియకుండా కలవరం చెందడం దేనికి, నేను వెళ్లి విషయాలు తెలుసుకుని వస్తాను " అని వెళ్ళి రామలక్ష్మణులకు సుగ్రీవుడి గురించి, తన గురించి చెబుతాడు. 

అప్పుడు అందరూ ఊహించుకున్నట్లుగా రాముడు " ఓహో అలాగా " అని హనుమతో మాట్లాడరు. హనుమ చెప్పిన తీరు, మాటలతీరు, సంస్కారంల గురించి రాముడు లక్ష్మణుడుతో చెప్పి " ఇటువంటి వ్యక్తి ఎవరికి దూతగా లభిస్తాడో అతని పనులన్నీ చక్కగా నెరవేరుతాయి " అంటారు. అప్పుడు లక్ష్మణుడు తామెవరో, ఏపనిమీద అక్కడకు వచ్చారో హనుమకు చెబుతారు.

ఇదే త్యాగయ్య అన్నది. అంత చక్కగా మాట్లాడిన సకలశాస్త్రపారంగతుడు హనుమతోనే నువ్వు మాట్లాడలేదు, తమ్ముడిచేత మాట్లాడించావు, ఇంక నేనేపాటి అని‌.

ఎంత అద్భుతం. అంత చిన్న కీర్తనలో ఇంత కధ ఉంది.

" పలికెడిది భాగవతం, అట పలికించెడివాడు రామభధ్రుండు, అట..... " అంటారు పోతనామాత్యుడు భాగవతంలో. స్వామి అనుగ్రహం లేకపోతే అంత అద్భుతంగా కీర్తనలు ఎలా వస్తాయి.

ఏతత్ సర్వం శ్రీశ్రీరామచంద్రార్పణమస్తు - సూర్య.

శుభం భూయాత్

Comments

Post a Comment

Popular posts from this blog

సీతమ్మతల్లికి సాటి ఎవరు? - చీమలపాటి సూర్యనారాయణ

 🙏"శ్రీరస్తు శుభమస్తు"🙏  " నను బ్రోవమని చెప్పవే    సీతమ్మ తల్లి...." వివేకానందులు అంటారు " ప్రపంచవాజ్మయం అంతా నాశనమయిపోయినా ఒక్క రామాయణం ఉన్నా లేక ఒక్క సీతమ్మను జ్ఞప్తిలో ఉంచుకున్నా భారతజాతి ( సనాతనధర్మం ) మరి కొన్నివేల సంవత్సరాలవరకూ నిలిచి ఉంటుంది " అని. ఎందుకని అంటే " శ్రీరాముడు లాంటి అందగాడు, ధీరోదాత్తుడు, ధర్మపరుడు ఇంకొకరు కనబడవచ్చు శ్రద్ధగా వెదికితే కాని సీతమ్మలాంటి స్త్రీ మాత్రం దొరకదు కాక దొరకదు " అని ఆయన నొక్కి వక్కాణించారు. అమ్మ కౌసల్యను అనునయించి ఒప్పించిన తరువాత రాముడు సీతమ్మ దగ్గరకు వెడతాడు ఆవిడను కూడా అనునయించి అరణ్యవాసానికి బయలుదేరడానికి. " మా తండ్రి నన్ను వనవాసానికి వెళ్ళమన్నారు " అని మాత్రం అనగానే సీతమ్మ " నేను కూడా మీతో పాటే " అంది. మిమ్మల్ని అనుసరిస్తాను అనలేదు. మీముందుండి మీమార్గంలో ఉండే ముళ్ళు రాళ్ళు తొలగిస్తూ మీమార్గం సుగమం చేస్తాను అంది తల్లి.  ఇక్కడ సీతమ్మ ఒక ధర్మసూక్ష్మం తెలియచేసింది జాతికి. తల్లిదండ్రులు, తోబుట్టువులు, సంతానం ఎవరికయినా ఎవరి భాగ్యం వారిదే, ఎవరి కష్టాలు వారివే. కాని ఒక్క భార్యాభర్తలదే ...
Read more

అన్నదానం వల్ల ఎవరెవరికి పుణ్యం వస్తుంది - చీమలపాటి సూర్యనారాయణ

 🙏"శ్రీరస్తు శుభమస్తు"🙏 " న దైవాంశో దదాత్యన్నం    న రుద్రః రుద్రమర్చతి,   నా నృషిః కురుతే కావ్యం    న విష్ణుః పృథివీ పతిః " " దైవాంశ లేని వాడు అన్నదానం చేయలేడు. రుద్రాంశ లేని వాడు దైవపూజ చేయలేడు. ఋషికాని వాడు కావ్యమును వ్రాయలేడు. విష్ణువు అంశలేని వాడు రాజుకాలేడు‌ " అని భావం. అన్నదానం చేయడం అంత చిన్న విషయం కాదు. మాయ దానిని చేయనివ్వదు. ఒకసారి అన్నదానం చేయడం వలన ఎవరెవరికి పుణ్యం కలుగుతుందో చూద్దాం. అన్నదానం చేద్దాం అని సంకల్పం చేసినవారు, ఏర్పాట్లు చేసినవారు, ధనం సమకూర్చినవారు, సరుకులు తెచ్చినవారు, వండినవారు, వడ్డించినవారు, తిన్నతరువాత శుభ్రం చేసినవారు, సరుకులు తేవడంనుంచి శుభ్రం చేసేవరకూ ఏర్పాట్లు చేసినవారు - వీరందరికీ అన్నదానపుణ్యంలో భాగం వస్తుంది.  ఈ పుణ్యాత్ములందరూ ఒకచోట చేరితేనే అన్నదానం సాధ్యమవుతుంది. దానికి దైవాంశ తోడవాలి. అందుకే దైవాంశ లేనివాడు అన్నదానం చేయలేడు అని తెలియచేస్తూంది సుభాషితం. సృష్టికి అన్నమే మూలం. ఇదే " పురుష శక్తి/స్త్రీ అండం " గా మారుతుంది. అందుకే అన్నం పరబ్రహ్మ స్వరూపం అని తెలియచేస్తున్నాయి ఉపనిషత్తులు.  విష్ణుసహస్రంలో స్వామ...
Read more

శ్రీసరస్వతీ దేవి పుట్టినరోజు నేడు,, శుభాకాంక్షలు అందరికీ - చీమలపాటి సూర్యనారాయణ

 🙏"శ్రీమాత్రేనమః"🙏 శ్రీసరస్వతీదేవి " పుట్టినరోజు నేడు. శ్రీపంచమి/వసంతపంచమి/మాఘపంచమి అని వేడుక చేసుకుంటారు భక్తులు. " సరస్వతీ " - అమ్మవారి అద్భుతనామం. ఇది శ్రీలలితాసహస్రరహస్యనామాల్లో 704 వ నామం. " సరస్వతీ " అంటే జ్ఞానాధిష్టానదేవత. అంటే అజ్ఞానాంధకారాన్ని పోగొట్టేది. అజ్ఞానం తొలగుతే సచ్చిదానందమే కదా. " విద్యా దదాతి వినయం,    వినయాత్ యాతి పాత్రతాం,    పాత్రత్వాత్ ధనమాప్నోతి,    ధనాత్ ధర్మం తతో సుఖం " అని చెబుతూంది నరసింహ సుభాషితం .  ఏ జీవి అయినా సుఖాన్నే కోరుకుంటాడు, ఆఖరికి మరణంలో కూడా. ఈ సుఖానికి మూలం విద్య అని తెలుసుకోవాలి. విద్యనుంచే వినయం, అర్హత, ధనం, ధర్మం, సుఖం వరుసగా లభిస్తాయి. ఈనాడు మధ్యతరగతివారి జీవితాలు సుఖమయంగా ఉన్నాయంటే విద్యవలనే అని అర్ధం అవుతూంది. ఇక్కడ విద్య నుంచి వినయం అన్నారు. వినయం అంటే అందరూ అనుకునేది కాదు. ఆదిశంకరులు వినయః అంటే ఉపశమః అని భాష్యం చెప్పారు. అంటే శాంతి. మన పూర్వపు విద్య శాంతిని కలిగించేది. జీవితం సుఖంగా ఉండేది. ఇప్పటి విదేశీవాడు పెట్టిన చదువులు " అశాంతి " ని కలిగిస్తున్నాయి. అందుకే యువత నిస్పృహలో ఉండి...
Read more