వ్యాధులలోనూ అమ్మవారు కూర్చుని ఉంటారా? - చీమలపాటి సూర్యనారాయణ

 🙏 " శ్రీమాత్రేనమః " 🙏

" త్రిస్థా " - అమ్మవారి అద్భుతనామాలు. శ్రీలలితాసహస్రరహస్యనామాలలో ఇది 874 వ నామం.

" త్రిస్థా " అన్నది ఒక అద్భుతనామం. త్రిస్థా అంటే మూడింటిలోనూ ఉన్నది అని అర్ధం. ఆ 3 ఏమిటి అని భాష్యం చెప్పడానికి పూజ్యులు శ్రీభాస్కరరాయులవారు " మార్కండేయపురాణం " లోని శ్లోకాన్ని యధాతధంగా తీసుకున్నారు. ఆ శ్లోకంలో సరస్వతీదేవి ని స్తోత్రం చేస్తూ ఇలా అన్నారు - " 3 వేదాలు ( ఋగ్ యజుర్ సామ ), 3 వర్గాలు (ధర్మ అర్ధ కామ), 3 లోకాలు ( స్వర్గ మర్త్య పాతాళ ), 3 విద్యలు ( సాంఖ్య యోగ వేదాంత ), 3 జ్యోతులు ( సూర్య చంద్ర అగ్ని ), 3 గుణాలు ( సత్వ రజో తమో ), 3 దోషాలు ( వాత పిత్త కఫ ), 3 ఆశ్రమాలు ( బ్రహ్మచర్యం గృహస్థం వానప్రస్థం ), 3 శబ్దాలు ( అ ఉ మ - ఓం ), 3 కాలాలు ( పగలు సంధ్య రాత్రి ), 3 అవస్థలు ( జాగృతి స్వప్న సుషుప్తి ) - అలా అన్నింటిలోనూ అమ్మవారు ఉన్నారు అని తెలియచేసేలా " త్రిస్థా " అనే నామంతో పూజిస్తున్నారు. 

ఇక్కడ ఆశ్చర్యకరమైనది ఏమిటంటే " వాత పిత్త కఫ " లలో అంటే వ్యాధులలోనూ అమ్మవారు కూర్చుని ఉంటారు అర్ధమవుతూంది. వ్యాధి ఒకరకంగా వరం.

విష్ణుసహస్రంలో " అన్నం అన్నాద ఏవచ " అన్న నామాలు ఉన్నాయి. " అన్నం ఇచ్చేది ఆయనే, అన్నం ఆయనే, జఠరాగ్ని రూపంగా అన్నాన్ని స్వీకరించేదీ ఆయనే " అని తెలియచేస్తాయి ఆ నామాలు. అంటే అంతటా ఆయన చైతన్యమే అని తెలుసుకోవాలి. 

భ.గీతలో పరమాత్మ అర్జునుడితో అంటారు " నేను నీతో సరదాగా మాట్లాడుతూ తిరుగుతున్నానని నన్ను ఇతరమానవుల్లా అనుకోకు. ఆ వాసనలేవీ ( లక్షణాలు ) నాకు ఉండవు " అని.

మన " ధర్మబద్ధమైన " కోరికలు అన్నీ తీరేలా అనుగ్రహించమని ""త్రిస్థా " రూపిణిని కోరుకుందాం. 

ఏతత్ సర్వం శ్రీపరదేవతార్పణమస్తు - సూర్య

శుభం భూయాత్

Comments

Post a Comment

Popular posts from this blog

సీతమ్మతల్లికి సాటి ఎవరు? - చీమలపాటి సూర్యనారాయణ

 🙏"శ్రీరస్తు శుభమస్తు"🙏  " నను బ్రోవమని చెప్పవే    సీతమ్మ తల్లి...." వివేకానందులు అంటారు " ప్రపంచవాజ్మయం అంతా నాశనమయిపోయినా ఒక్క రామాయణం ఉన్నా లేక ఒక్క సీతమ్మను జ్ఞప్తిలో ఉంచుకున్నా భారతజాతి ( సనాతనధర్మం ) మరి కొన్నివేల సంవత్సరాలవరకూ నిలిచి ఉంటుంది " అని. ఎందుకని అంటే " శ్రీరాముడు లాంటి అందగాడు, ధీరోదాత్తుడు, ధర్మపరుడు ఇంకొకరు కనబడవచ్చు శ్రద్ధగా వెదికితే కాని సీతమ్మలాంటి స్త్రీ మాత్రం దొరకదు కాక దొరకదు " అని ఆయన నొక్కి వక్కాణించారు. అమ్మ కౌసల్యను అనునయించి ఒప్పించిన తరువాత రాముడు సీతమ్మ దగ్గరకు వెడతాడు ఆవిడను కూడా అనునయించి అరణ్యవాసానికి బయలుదేరడానికి. " మా తండ్రి నన్ను వనవాసానికి వెళ్ళమన్నారు " అని మాత్రం అనగానే సీతమ్మ " నేను కూడా మీతో పాటే " అంది. మిమ్మల్ని అనుసరిస్తాను అనలేదు. మీముందుండి మీమార్గంలో ఉండే ముళ్ళు రాళ్ళు తొలగిస్తూ మీమార్గం సుగమం చేస్తాను అంది తల్లి.  ఇక్కడ సీతమ్మ ఒక ధర్మసూక్ష్మం తెలియచేసింది జాతికి. తల్లిదండ్రులు, తోబుట్టువులు, సంతానం ఎవరికయినా ఎవరి భాగ్యం వారిదే, ఎవరి కష్టాలు వారివే. కాని ఒక్క భార్యాభర్తలదే ...
Read more

అన్నదానం వల్ల ఎవరెవరికి పుణ్యం వస్తుంది - చీమలపాటి సూర్యనారాయణ

 🙏"శ్రీరస్తు శుభమస్తు"🙏 " న దైవాంశో దదాత్యన్నం    న రుద్రః రుద్రమర్చతి,   నా నృషిః కురుతే కావ్యం    న విష్ణుః పృథివీ పతిః " " దైవాంశ లేని వాడు అన్నదానం చేయలేడు. రుద్రాంశ లేని వాడు దైవపూజ చేయలేడు. ఋషికాని వాడు కావ్యమును వ్రాయలేడు. విష్ణువు అంశలేని వాడు రాజుకాలేడు‌ " అని భావం. అన్నదానం చేయడం అంత చిన్న విషయం కాదు. మాయ దానిని చేయనివ్వదు. ఒకసారి అన్నదానం చేయడం వలన ఎవరెవరికి పుణ్యం కలుగుతుందో చూద్దాం. అన్నదానం చేద్దాం అని సంకల్పం చేసినవారు, ఏర్పాట్లు చేసినవారు, ధనం సమకూర్చినవారు, సరుకులు తెచ్చినవారు, వండినవారు, వడ్డించినవారు, తిన్నతరువాత శుభ్రం చేసినవారు, సరుకులు తేవడంనుంచి శుభ్రం చేసేవరకూ ఏర్పాట్లు చేసినవారు - వీరందరికీ అన్నదానపుణ్యంలో భాగం వస్తుంది.  ఈ పుణ్యాత్ములందరూ ఒకచోట చేరితేనే అన్నదానం సాధ్యమవుతుంది. దానికి దైవాంశ తోడవాలి. అందుకే దైవాంశ లేనివాడు అన్నదానం చేయలేడు అని తెలియచేస్తూంది సుభాషితం. సృష్టికి అన్నమే మూలం. ఇదే " పురుష శక్తి/స్త్రీ అండం " గా మారుతుంది. అందుకే అన్నం పరబ్రహ్మ స్వరూపం అని తెలియచేస్తున్నాయి ఉపనిషత్తులు.  విష్ణుసహస్రంలో స్వామ...
Read more

శ్రీసరస్వతీ దేవి పుట్టినరోజు నేడు,, శుభాకాంక్షలు అందరికీ - చీమలపాటి సూర్యనారాయణ

 🙏"శ్రీమాత్రేనమః"🙏 శ్రీసరస్వతీదేవి " పుట్టినరోజు నేడు. శ్రీపంచమి/వసంతపంచమి/మాఘపంచమి అని వేడుక చేసుకుంటారు భక్తులు. " సరస్వతీ " - అమ్మవారి అద్భుతనామం. ఇది శ్రీలలితాసహస్రరహస్యనామాల్లో 704 వ నామం. " సరస్వతీ " అంటే జ్ఞానాధిష్టానదేవత. అంటే అజ్ఞానాంధకారాన్ని పోగొట్టేది. అజ్ఞానం తొలగుతే సచ్చిదానందమే కదా. " విద్యా దదాతి వినయం,    వినయాత్ యాతి పాత్రతాం,    పాత్రత్వాత్ ధనమాప్నోతి,    ధనాత్ ధర్మం తతో సుఖం " అని చెబుతూంది నరసింహ సుభాషితం .  ఏ జీవి అయినా సుఖాన్నే కోరుకుంటాడు, ఆఖరికి మరణంలో కూడా. ఈ సుఖానికి మూలం విద్య అని తెలుసుకోవాలి. విద్యనుంచే వినయం, అర్హత, ధనం, ధర్మం, సుఖం వరుసగా లభిస్తాయి. ఈనాడు మధ్యతరగతివారి జీవితాలు సుఖమయంగా ఉన్నాయంటే విద్యవలనే అని అర్ధం అవుతూంది. ఇక్కడ విద్య నుంచి వినయం అన్నారు. వినయం అంటే అందరూ అనుకునేది కాదు. ఆదిశంకరులు వినయః అంటే ఉపశమః అని భాష్యం చెప్పారు. అంటే శాంతి. మన పూర్వపు విద్య శాంతిని కలిగించేది. జీవితం సుఖంగా ఉండేది. ఇప్పటి విదేశీవాడు పెట్టిన చదువులు " అశాంతి " ని కలిగిస్తున్నాయి. అందుకే యువత నిస్పృహలో ఉండి...
Read more