సనాతనధర్మాన్ని కించపరిచేవారికి పోయేకాలం దగ్గరకు వచ్చినట్లే - చీమలపాటి సూర్యనారాయణ

 🙏"శ్రీరస్తు శుభమస్తు"🙏

" మూలం హి విష్ణుర్దేవానాం 

  యత్ర ధర్మః సనాతనః,

  తస్య చ బ్రహ్మగోవిప్రాస్తపో 

  యజ్ఞాః సదక్షిణాః " 

        - భాగవతం 10:04:39

" తస్మాత్సర్వాత్మనా రాజన్ 

  బ్రాహ్మణాన్ బ్రహ్మవాదినః . 

  తపస్వినో యజ్ఞశీలాన్ 

  గాశ్చ హన్మో హవిర్దుఘాః " 

          - భాగవతం 10:04:40

మహాభాగవతంలోని అద్భుత శ్లోకాలు ఇవి. కనీసం వేల సంవత్సరాల క్రితం వ్రాసినవి అయినా నేటికీ ఇందులో తెలియచేసినదే జరుగుతూంది.

తనను చంపే కృష్ణుడు ఎక్కడ పెరుగుతున్నాడో తెలియదు కంసుడికి. అందుకని రాక్షసులని అన్ని దిక్కులకూ పంపుతూ కంసుడు " వేదము, ఆవు, బ్రాహ్మణుడు, తపస్సు, యజ్ఞము ఎక్కడ ఉంటారో అక్కడ సనాతనధర్మం వెల్లివిరిస్తూ ఉంటుంది. అక్కడ విష్ణువు ఉంటాడు. ఇవన్నీ విష్ణువు శరీరభాగాలే, విష్ణువే సనాతనధర్మం. విష్ణువుని దెబ్బ కొట్టాలంటే సనాతనధర్మంని నశింపచేయాలి. అంటే వేదాలని, ఆవులను బ్రాహ్మణులను, తపస్సును, యజ్ఞాలని లేకుండా చేయాలి. వెళ్ళి ప్రతీచోటా వీటిని నశింపచేయండి " అని ఆదేశిస్తాడు. 

ఈనాడు కూడా సనాతనధర్మంని గొయ్యితీసి ప్రాతిపెట్టాలి, తగలబెట్టాలి అనే వారందరూ చేస్తూన్నది ఇదే. వేదాలవల్లే సమాజంలో అశాంతి అని, బ్రాహ్మణులవల్లే కులవ్యవస్థ వచ్చింది, సమాజం భ్రష్టుపట్టింది అని ప్రచారం చేస్తున్నారు. గోవులను చంపడం, హింసించడం చేస్తున్నారు. యజ్ఞాలు అశాస్త్రీయం అని ప్రచారం చేస్తున్నారు. 

దీనిలో ఓ అద్భుత మర్మం/రహస్యం ఉంది. కంసుడు ఆవులను బ్రాహ్మణులను హింసించడం ద్వారా సనాతనధర్మంని నశింపచేద్దామనుకున్నది అతనికి మరణించే కాలం దగ్గరయినప్పుడు. అంటే పోయేకాలం ఆసన్నమయినప్పుడే, ఆసన్నమయినవారికే సనాతనధర్మాన్ని మట్టుపెట్టాలని, ఆవులను హింసించాలనే ఆలోచన వస్తుంది అని తెలుస్తూంది.

సనాతనధర్మానికి ఏమీ హాని ఉండదు కాని దానిని కించపరిచేవారికి మాత్రం పోయేకాలం దగ్గరకొచ్చిందని, మరణం ఆసన్నమయిందని తెలుస్తూంది.

" యదా యదా హి ధర్మస్య........

  ............తదాత్మానంసృజామ్యహం "

                      - ( భ.గీత 4:7 ) 

పరమాత్మ రావడం, అటువంటి వారిని శిక్షించడం తప్పదు. సంశయం నాస్తి.

ఏతత్ సర్వం శ్రీశ్రీకృష్ణార్పణమస్తు - సూర్య.

శుభం భూయాత్ 

*తిరుపతి లడ్డు కల్తీ గురించి చదివినప్పుడు ఇది గుర్తుకు వచ్చింది. శుభమస్తు.

Comments

  1. AnonymousSeptember 21, 2024 at 4:10 AM

    టీటీడీ బోర్డు లో బీజేపీ కి చెందిన వ్యక్తులు కూడా ఉన్నారు.జగన్మోహన్రెడ్డి అరాచకాలను చూసి చూడనట్లు వదిలేయటం వలన ఈ రోజు అతడు రెచ్చిపోయి ఇలాంటి పనులు చేస్తున్నాడు. అసలు ఈ కల్తీ లడ్డులతో పరిమితమైన దా లేక మిగతా సేవలలో కూడా నా తే లాలి.

    ReplyDelete
  2. SrimatakameswariSeptember 21, 2024 at 7:51 AM

    Pl post your name n mobile number also alongwith comments

    ReplyDelete

Post a Comment

Popular posts from this blog

సీతమ్మతల్లికి సాటి ఎవరు? - చీమలపాటి సూర్యనారాయణ

 🙏"శ్రీరస్తు శుభమస్తు"🙏  " నను బ్రోవమని చెప్పవే    సీతమ్మ తల్లి...." వివేకానందులు అంటారు " ప్రపంచవాజ్మయం అంతా నాశనమయిపోయినా ఒక్క రామాయణం ఉన్నా లేక ఒక్క సీతమ్మను జ్ఞప్తిలో ఉంచుకున్నా భారతజాతి ( సనాతనధర్మం ) మరి కొన్నివేల సంవత్సరాలవరకూ నిలిచి ఉంటుంది " అని. ఎందుకని అంటే " శ్రీరాముడు లాంటి అందగాడు, ధీరోదాత్తుడు, ధర్మపరుడు ఇంకొకరు కనబడవచ్చు శ్రద్ధగా వెదికితే కాని సీతమ్మలాంటి స్త్రీ మాత్రం దొరకదు కాక దొరకదు " అని ఆయన నొక్కి వక్కాణించారు. అమ్మ కౌసల్యను అనునయించి ఒప్పించిన తరువాత రాముడు సీతమ్మ దగ్గరకు వెడతాడు ఆవిడను కూడా అనునయించి అరణ్యవాసానికి బయలుదేరడానికి. " మా తండ్రి నన్ను వనవాసానికి వెళ్ళమన్నారు " అని మాత్రం అనగానే సీతమ్మ " నేను కూడా మీతో పాటే " అంది. మిమ్మల్ని అనుసరిస్తాను అనలేదు. మీముందుండి మీమార్గంలో ఉండే ముళ్ళు రాళ్ళు తొలగిస్తూ మీమార్గం సుగమం చేస్తాను అంది తల్లి.  ఇక్కడ సీతమ్మ ఒక ధర్మసూక్ష్మం తెలియచేసింది జాతికి. తల్లిదండ్రులు, తోబుట్టువులు, సంతానం ఎవరికయినా ఎవరి భాగ్యం వారిదే, ఎవరి కష్టాలు వారివే. కాని ఒక్క భార్యాభర్తలదే ...
Read more

అన్నదానం వల్ల ఎవరెవరికి పుణ్యం వస్తుంది - చీమలపాటి సూర్యనారాయణ

 🙏"శ్రీరస్తు శుభమస్తు"🙏 " న దైవాంశో దదాత్యన్నం    న రుద్రః రుద్రమర్చతి,   నా నృషిః కురుతే కావ్యం    న విష్ణుః పృథివీ పతిః " " దైవాంశ లేని వాడు అన్నదానం చేయలేడు. రుద్రాంశ లేని వాడు దైవపూజ చేయలేడు. ఋషికాని వాడు కావ్యమును వ్రాయలేడు. విష్ణువు అంశలేని వాడు రాజుకాలేడు‌ " అని భావం. అన్నదానం చేయడం అంత చిన్న విషయం కాదు. మాయ దానిని చేయనివ్వదు. ఒకసారి అన్నదానం చేయడం వలన ఎవరెవరికి పుణ్యం కలుగుతుందో చూద్దాం. అన్నదానం చేద్దాం అని సంకల్పం చేసినవారు, ఏర్పాట్లు చేసినవారు, ధనం సమకూర్చినవారు, సరుకులు తెచ్చినవారు, వండినవారు, వడ్డించినవారు, తిన్నతరువాత శుభ్రం చేసినవారు, సరుకులు తేవడంనుంచి శుభ్రం చేసేవరకూ ఏర్పాట్లు చేసినవారు - వీరందరికీ అన్నదానపుణ్యంలో భాగం వస్తుంది.  ఈ పుణ్యాత్ములందరూ ఒకచోట చేరితేనే అన్నదానం సాధ్యమవుతుంది. దానికి దైవాంశ తోడవాలి. అందుకే దైవాంశ లేనివాడు అన్నదానం చేయలేడు అని తెలియచేస్తూంది సుభాషితం. సృష్టికి అన్నమే మూలం. ఇదే " పురుష శక్తి/స్త్రీ అండం " గా మారుతుంది. అందుకే అన్నం పరబ్రహ్మ స్వరూపం అని తెలియచేస్తున్నాయి ఉపనిషత్తులు.  విష్ణుసహస్రంలో స్వామ...
Read more

శ్రీసరస్వతీ దేవి పుట్టినరోజు నేడు,, శుభాకాంక్షలు అందరికీ - చీమలపాటి సూర్యనారాయణ

 🙏"శ్రీమాత్రేనమః"🙏 శ్రీసరస్వతీదేవి " పుట్టినరోజు నేడు. శ్రీపంచమి/వసంతపంచమి/మాఘపంచమి అని వేడుక చేసుకుంటారు భక్తులు. " సరస్వతీ " - అమ్మవారి అద్భుతనామం. ఇది శ్రీలలితాసహస్రరహస్యనామాల్లో 704 వ నామం. " సరస్వతీ " అంటే జ్ఞానాధిష్టానదేవత. అంటే అజ్ఞానాంధకారాన్ని పోగొట్టేది. అజ్ఞానం తొలగుతే సచ్చిదానందమే కదా. " విద్యా దదాతి వినయం,    వినయాత్ యాతి పాత్రతాం,    పాత్రత్వాత్ ధనమాప్నోతి,    ధనాత్ ధర్మం తతో సుఖం " అని చెబుతూంది నరసింహ సుభాషితం .  ఏ జీవి అయినా సుఖాన్నే కోరుకుంటాడు, ఆఖరికి మరణంలో కూడా. ఈ సుఖానికి మూలం విద్య అని తెలుసుకోవాలి. విద్యనుంచే వినయం, అర్హత, ధనం, ధర్మం, సుఖం వరుసగా లభిస్తాయి. ఈనాడు మధ్యతరగతివారి జీవితాలు సుఖమయంగా ఉన్నాయంటే విద్యవలనే అని అర్ధం అవుతూంది. ఇక్కడ విద్య నుంచి వినయం అన్నారు. వినయం అంటే అందరూ అనుకునేది కాదు. ఆదిశంకరులు వినయః అంటే ఉపశమః అని భాష్యం చెప్పారు. అంటే శాంతి. మన పూర్వపు విద్య శాంతిని కలిగించేది. జీవితం సుఖంగా ఉండేది. ఇప్పటి విదేశీవాడు పెట్టిన చదువులు " అశాంతి " ని కలిగిస్తున్నాయి. అందుకే యువత నిస్పృహలో ఉండి...
Read more