అమ్మవారికి మనమీద ఎప్పుడూ కరుణే - చీమలపాటి సూర్యనారాయణ

 🙏"శ్రీమాత్రేనమః"🙏

" సాంద్రకరుణా " అమ్మవారి అద్భుత నామం. ఇది శ్రీలలితాసహస్రరహస్యనామాలలో 197 వ నామం . 

" సాంద్రకరుణా " అంటే ఘనమయిన దయ కలది. అమ్మవారి దయ అపారమైనది. అమ్మవారి చూపులు చంద్రుడి వెన్నెలలా చల్లగా ఉంటాయి, మాటలు అమృతపు గుళికల్లా ఉంటాయి. భక్తులను అన్నివేళలా అన్నివిధాలా ఆదుకుని ఆనందంగా ఉండేలా చేస్తారు.

రాసలీలకు ముందు " కృష్ణా, మిమ్మల్ని ఓ విషయం అడగవచ్చా " అని అడుగుతారు గోపికలు. కృష్ణుడు " అడగండి " అనగానే వారు అంటారు:

ఈ ప్రేమలు ఆశ్చర్యకరంగా ఉంటాయి:

1. ఎదుటి వారు ప్రేమిస్తేనే ప్రేమిస్తారు కొందరు.

2. ఎదుటి వారు ప్రేమించకపోయినా 

    ప్రేమిస్తారు కొందరు.

3. ఎదుటి వారు ప్రేమించినా, 

    ప్రేమించకపోయినా ప్రేమించరు కొందరు.

ఈ ముగ్గురిలో మీరు ఎవరు అని అడుగుతారు కృష్ణుడిని. ఎంత చక్కటి ప్రశ్న.

అప్పుడు కృష్ణుడు అంటారు:

" నాహం తు సఖ్యో భజతోఽపి జంతూన్  

  భజామ్యమీషామనువృత్తి వృత్తయే, 

  యథాధనో లబ్ధధనే వినష్టే 

  తచ్చింతయాన్యన్నిభృతో న వేద "

               - భాగవతం 10(1):31:20

" పైవారిలో నేను ఎవరినీ కాను. ఎందుకంటే నాకు కరుణ ఒక్కటే తెలుసు. నా భక్తుల మీద నాకు అపారమయిన కరుణ/దయ. ఈ భౌతిక బంధాలన్నిటినీ త్రెంచుకుని నన్ను ఆశ్రయించిన భక్తులకు అఖండ ఖ్యాతిని, ముక్తిని కలుగచేయడమే నా పని " అంటారు కృష్ణుడు.

అమ్మవారు అవ్యాజకరుణామూర్తి.

ఏతత్ సర్వం శ్రీపరదేవతార్పణమస్తు - సూర్య.

శుభం భూయాత్