మాట్లాడేటప్పుడు స్పష్టత ఉండాలి, ఉచ్ఛారణ బాగుండాలి - చీమలపాటి సూర్యనారాయణ

 🙏"శ్రీమాత్రేనమః"🙏

" వ్యాహృతిః " అమ్మవారి అద్భుత నామం. ఇది శ్రీలలితాసహస్రరహస్యనామాలలో 421 వ నామం .

" వ్యాహృతిః " అంటే ఉచ్ఛారణ రూపమయినది. ఉచ్ఛారణే అమ్మవారు. అందుకే మాట్లాడేటప్పుడు మృదువుగా ఎదుటివారికి సులువుగా అర్ధమయేంతటి స్పష్టత ఉండాలి. వాక్కు స్పష్టంగా ఉంటే వినడానికి ఇంపుగా ఉంటుంది. 

వాయుపురాణమందు " నాచే బ్రహ్మచే మొదట ఉచ్ఛరింపబడిన దానివై వచ్చితివి కావున వ్యాహృతి అను పేరు ప్రసిద్ధి కాగలదు" అని ఉంది. 

శ్రీసరస్వతీ ద్వాదశనామ స్తోత్రంలో " సర్వసిద్ధి కరీతస్య ప్రసన్నా పరమేశ్వరీ సామే వసతు జిహ్వాగ్రే బ్రహ్మరూపా సరస్వతీ " అని ప్రార్ధిస్తాం. ఎల్లప్పుడూ నా నాలుకమీద ఉండు తల్లీ. అప్పుడు ఏది మాట్లాడినా స్పష్టంగా, అర్ధవంతంగా ఉంటుంది.

ఉచ్ఛారణ స్పష్టంగా ఉండాలి అని అంటే గట్టిగా అరవడం కాదు. వేదమాత నిజమైన సంపదలను ఆరుగా తెలియచేసారు. అందులో ఐదవది " స్వాత్మానం వాచః " - వాక్కు/మాటలు మృదువుగా ఉండడం నిజమైన సంపద అని.

వేదాలు వేల సంవత్సరాలుగా మనుగడలో ఉన్నాయంటే కారణం ఈ ఉచ్ఛారణయే. ఒకరినుంచి మరొకరికి చక్కటి ఉచ్ఛారణతో అందించబడ్డాయి వేదాలు. అదే తాళపత్రాలలోనే ఉండి ఉంటే ఎప్పుడో కనుమరుగు అయి ఉండేవి లేక కనుమరుగు చేసి ఉండేవారు. ఏదయినా ఓ అక్షరం పాడయినా, తేడా వచ్చినా అర్ధాలు మారిపోవడానికి కూడా అవకాశం ఉంది.

కహోడమహర్షి, సుజాతల పుత్రుడు అష్టావక్రుడు. ఈయన తల్లి గర్భంలో ఉండగా ఓరోజు తండ్రి శిష్యులకు వేదం చెబుతున్నారు. గర్భంలో ఉన్న కుమారుడు " నాన్నగారు ఈరోజు మీ పారాయణ దోషభూయిష్టంగా ( ఉచ్ఛారణ సరిగాలేదు అని ) ఉంది, 8 తప్పులు దొర్లాయి " అనడంతో మహర్షికి కోపం వచ్చి " నువ్వు నన్నే తప్పుపడతావా, 8 వంకర్లతో పుడతావు " అని శపించాడు. అష్టావక్రుడు మహా పండితుడు. అష్టావక్రగీతను ప్రసాదించాడు.

కొందరు గాయనీ గాయకులు పాడిన కీర్తనలు, భజనలు ఉచ్ఛారణ బాగుండి ఎంతో వినసొంపుగా ఉంటాయి. కొందరు పాడిన వాటిలో ఉచ్ఛారణ దోషాలు స్పష్టంగా తెలిసిపోతాయి కూడా.

ఉచ్ఛారణ సరిగా ఉంటే అమ్మవారిని ధ్యానం చేసుకున్నట్లే.

ఏతత్ సర్వం శ్రీపరదేవతార్పణమస్తు - సూర్య.

శుభం భూయాత్

Comments

  1. AnonymousMarch 30, 2025 at 9:09 PM

    శ్రీ గురుభ్యో నమః
    ఒక సందేహం. ఉచ్ఛారణ సరిగా లేని వారు ఏ విధంగా సరిచేసుకోవాలి?

    ReplyDelete
  2. SrimatakameswariMarch 30, 2025 at 10:16 PM

    ఉచ్ఛారణ సరిగా లేకపోయినా, మాట్లాడలేకపోయినా ప్రత్యామ్నాయం చూసుకోవాలి. వ్రాసి ఇవ్వచ్చు. వ్రాయడం రాకపోతే సన్నిహితులతో మాట్లాడించవచ్చు. భావం ఏమిటంటే మనం మాట్లాడేది ఎదుటివారికి స్పష్టంగా ఉండాలి. శుభమస్తు

    ReplyDelete

Post a Comment

Popular posts from this blog

సీతమ్మతల్లికి సాటి ఎవరు? - చీమలపాటి సూర్యనారాయణ

 🙏"శ్రీరస్తు శుభమస్తు"🙏  " నను బ్రోవమని చెప్పవే    సీతమ్మ తల్లి...." వివేకానందులు అంటారు " ప్రపంచవాజ్మయం అంతా నాశనమయిపోయినా ఒక్క రామాయణం ఉన్నా లేక ఒక్క సీతమ్మను జ్ఞప్తిలో ఉంచుకున్నా భారతజాతి ( సనాతనధర్మం ) మరి కొన్నివేల సంవత్సరాలవరకూ నిలిచి ఉంటుంది " అని. ఎందుకని అంటే " శ్రీరాముడు లాంటి అందగాడు, ధీరోదాత్తుడు, ధర్మపరుడు ఇంకొకరు కనబడవచ్చు శ్రద్ధగా వెదికితే కాని సీతమ్మలాంటి స్త్రీ మాత్రం దొరకదు కాక దొరకదు " అని ఆయన నొక్కి వక్కాణించారు. అమ్మ కౌసల్యను అనునయించి ఒప్పించిన తరువాత రాముడు సీతమ్మ దగ్గరకు వెడతాడు ఆవిడను కూడా అనునయించి అరణ్యవాసానికి బయలుదేరడానికి. " మా తండ్రి నన్ను వనవాసానికి వెళ్ళమన్నారు " అని మాత్రం అనగానే సీతమ్మ " నేను కూడా మీతో పాటే " అంది. మిమ్మల్ని అనుసరిస్తాను అనలేదు. మీముందుండి మీమార్గంలో ఉండే ముళ్ళు రాళ్ళు తొలగిస్తూ మీమార్గం సుగమం చేస్తాను అంది తల్లి.  ఇక్కడ సీతమ్మ ఒక ధర్మసూక్ష్మం తెలియచేసింది జాతికి. తల్లిదండ్రులు, తోబుట్టువులు, సంతానం ఎవరికయినా ఎవరి భాగ్యం వారిదే, ఎవరి కష్టాలు వారివే. కాని ఒక్క భార్యాభర్తలదే ...
Read more

అన్నదానం వల్ల ఎవరెవరికి పుణ్యం వస్తుంది - చీమలపాటి సూర్యనారాయణ

 🙏"శ్రీరస్తు శుభమస్తు"🙏 " న దైవాంశో దదాత్యన్నం    న రుద్రః రుద్రమర్చతి,   నా నృషిః కురుతే కావ్యం    న విష్ణుః పృథివీ పతిః " " దైవాంశ లేని వాడు అన్నదానం చేయలేడు. రుద్రాంశ లేని వాడు దైవపూజ చేయలేడు. ఋషికాని వాడు కావ్యమును వ్రాయలేడు. విష్ణువు అంశలేని వాడు రాజుకాలేడు‌ " అని భావం. అన్నదానం చేయడం అంత చిన్న విషయం కాదు. మాయ దానిని చేయనివ్వదు. ఒకసారి అన్నదానం చేయడం వలన ఎవరెవరికి పుణ్యం కలుగుతుందో చూద్దాం. అన్నదానం చేద్దాం అని సంకల్పం చేసినవారు, ఏర్పాట్లు చేసినవారు, ధనం సమకూర్చినవారు, సరుకులు తెచ్చినవారు, వండినవారు, వడ్డించినవారు, తిన్నతరువాత శుభ్రం చేసినవారు, సరుకులు తేవడంనుంచి శుభ్రం చేసేవరకూ ఏర్పాట్లు చేసినవారు - వీరందరికీ అన్నదానపుణ్యంలో భాగం వస్తుంది.  ఈ పుణ్యాత్ములందరూ ఒకచోట చేరితేనే అన్నదానం సాధ్యమవుతుంది. దానికి దైవాంశ తోడవాలి. అందుకే దైవాంశ లేనివాడు అన్నదానం చేయలేడు అని తెలియచేస్తూంది సుభాషితం. సృష్టికి అన్నమే మూలం. ఇదే " పురుష శక్తి/స్త్రీ అండం " గా మారుతుంది. అందుకే అన్నం పరబ్రహ్మ స్వరూపం అని తెలియచేస్తున్నాయి ఉపనిషత్తులు.  విష్ణుసహస్రంలో స్వామ...
Read more

శ్రీసరస్వతీ దేవి పుట్టినరోజు నేడు,, శుభాకాంక్షలు అందరికీ - చీమలపాటి సూర్యనారాయణ

 🙏"శ్రీమాత్రేనమః"🙏 శ్రీసరస్వతీదేవి " పుట్టినరోజు నేడు. శ్రీపంచమి/వసంతపంచమి/మాఘపంచమి అని వేడుక చేసుకుంటారు భక్తులు. " సరస్వతీ " - అమ్మవారి అద్భుతనామం. ఇది శ్రీలలితాసహస్రరహస్యనామాల్లో 704 వ నామం. " సరస్వతీ " అంటే జ్ఞానాధిష్టానదేవత. అంటే అజ్ఞానాంధకారాన్ని పోగొట్టేది. అజ్ఞానం తొలగుతే సచ్చిదానందమే కదా. " విద్యా దదాతి వినయం,    వినయాత్ యాతి పాత్రతాం,    పాత్రత్వాత్ ధనమాప్నోతి,    ధనాత్ ధర్మం తతో సుఖం " అని చెబుతూంది నరసింహ సుభాషితం .  ఏ జీవి అయినా సుఖాన్నే కోరుకుంటాడు, ఆఖరికి మరణంలో కూడా. ఈ సుఖానికి మూలం విద్య అని తెలుసుకోవాలి. విద్యనుంచే వినయం, అర్హత, ధనం, ధర్మం, సుఖం వరుసగా లభిస్తాయి. ఈనాడు మధ్యతరగతివారి జీవితాలు సుఖమయంగా ఉన్నాయంటే విద్యవలనే అని అర్ధం అవుతూంది. ఇక్కడ విద్య నుంచి వినయం అన్నారు. వినయం అంటే అందరూ అనుకునేది కాదు. ఆదిశంకరులు వినయః అంటే ఉపశమః అని భాష్యం చెప్పారు. అంటే శాంతి. మన పూర్వపు విద్య శాంతిని కలిగించేది. జీవితం సుఖంగా ఉండేది. ఇప్పటి విదేశీవాడు పెట్టిన చదువులు " అశాంతి " ని కలిగిస్తున్నాయి. అందుకే యువత నిస్పృహలో ఉండి...
Read more