శ్రీలలితానామం 946

 🙏"శ్రీమాత్రేనమః"🙏

" పంచయజ్ఞప్రియా " - అమ్మవారి అద్భుతనామం. ఇది శ్రీలలితాసహస్రరహస్యనామాల్లో 946 వ నామం.

ఈ నామానికి అర్ధం " పంచయజ్ఞములను ఇష్టపడునది " అని.

సాధారణంగా  పంచయజ్ఞములు అంటే " బ్రహ్మ, పితృ, దైవ, భూత, మనుష్య " యజ్ఞాలు.

వేదం చెబుతూన్నది అగ్నిహోత్రం, దర్శపూర్ణమాసలు, చాతుర్మాస్యలు, పశు, సోమములు అనే పంచయజ్ఞాలు.

యజ్ఞం వేరు, యాగం వేరు. " యజ్ఞానాం జపయజ్ఞోస్మి " అన్నారు పరమాత్మ గీతలో. ఏ పని చేసినా యజ్ఞంలా శ్రద్ధగా చెయ్యాలంటారు. 

యాగాన్ని ఒక యజ్ఞం అనుకోవచ్చు,  శ్రద్ధగా చేస్తారు కనుక.  కాని యజ్ఞాలన్నిటినీ యాగం అనుకోకూడదు. అవి నది, సముద్రం లా వేరువేరు, రెండింటిలోనూ నీరే ఉన్నా. 

యాగం అంటే ముఖ్యంగా ప్రకృతిలోని లోపాలను సరిదిద్దడానికి చేసేది. సకామయాగాలు అంటే పుత్రకామేష్టి, అశ్వమేధం లాంటి యాగాలు కూడా చేస్తూంటారు.

ప్రకృతిలో లోపాలేమిటి అనుకోవచ్చు, మానవకృతాలు. భూమి నీరు గాలి కలుషితమవుతాయి. వర్షాలు పడవు, పంటలు పండవు. వీటిని సరిదిద్దడానికి యాగాలు చేస్తారు/చేసేవారు. దానికి అగ్నిహోత్రం ముఖ్యం. హోమగుండం కూడా వాస్తుప్రకారం ఏర్పాటవుతుంది. అగ్నిలో కూడా ఆవునెయ్యి, రావిసమిధలు లాంటివే మంత్రసహితంగా వెయ్యాలని వేదం చెబుతూంది. అన్నీ వేయకూడదు.

" అగ్నిహోత్రం " వల్ల నిజంగా ఉపయోగముందా అని చాలామందికి సందేహం. సహజమే.

పోలండ్ లోని ఒక శాస్త్రజ్ఞుడికీ ఈ సందేహం వచ్చింది. పరికరాలన్నిటినీ పట్టుకుని ఇక్కడకు చేరిపోయాడు. యాగం జరుగుతూన్నచోట గాలిని నీటిని పరీక్షించాడు. స్వచ్ఛంగా ఉన్నాయి. ఒకేలా ఉన్న హోమగుండాల్లో విడివిడిగా మంత్రాలతోనూ, మంత్రాలతో కాకుండానూ యాగం చేయించి పరీక్షచేసాడు. మతిపోయింది. మంత్రాలతో చేసినచోట ఎక్కువ స్వచ్ఛత కనబడింది. మంత్రాల ప్రకంపనల ప్రభావం.

" అగ్నిహోత్ర " అని అద్భుతమయిన గ్రంధం వ్రాసాడు ఆయన. పోలండులో " హోమ ధెరపీ ఫౌండేషన్ " మొదలెట్టాడు. అది ఎన్నో దేశాలలో జరుగుతూంది ఇప్పుడు..

ఓ అద్భుతం చూద్దాం.  కరోనా సమయంలో ఇటలీ, స్పెయిన్ లలో వేలమంది చనిపోయారు. మాడ్రిడ్ లో ఎం. ఎలిజబెత్ అనే ఆవిడ తన భాగస్వామితో ఓ ఇంట్లో ఉంటున్నారు. ఇల్లు పెద్దదేమో ఓ గదిని హొటల్ నడుపుతూన్న ఒకతనికి అద్దెకిచ్చారు. హొటల్ కి చాలామంది వస్తూంటారు కనుక అతనికి కరోనా ఉధృతంగా వచ్చింది. అతని ఇంట్లో మిగిలిన ఇద్దరికీ పరీక్షచేస్తే నెగెటివ్ వచ్చింది. వారు హొటల్ యజమానితో విందు కూడా తీసుకున్నారుట అంతకు ముందురోజు. విషయమేమిటంటే ఆమె ఇంట్లో రోజూ హోమం చెయ్యడం, హోమ వీభూతి పెట్టుకోవడం చేస్తుందిట. అదే కారణమయి ఉంటుందని హాస్పిటల్ వారు అనుకోవడం, ఆశ్చర్యపోవడం జరిగింది ( ఈ విషయం  నెట్ లో ఉంది ).

హోమంలో ఆవునెయ్యి సమిధలు వెయ్యడంవల్ల గాలిలో వైరస్ తగ్గుతుందని ప్రపంచంలో అందరూ ఒప్పుకుంటున్నారు, మనం తప్ప. 

మనలోని అజ్ఞానాన్ని పోగొట్టమని " పంచయజ్ఞప్రియ " ని కోరుకుందాం.

ఏతత్ సర్వం శ్రీపరదేవతార్పణమస్తు - సూర్య.

శుభం భూయాత్


Comments

Post a Comment

Popular posts from this blog

సీతమ్మతల్లికి సాటి ఎవరు? - చీమలపాటి సూర్యనారాయణ

 🙏"శ్రీరస్తు శుభమస్తు"🙏  " నను బ్రోవమని చెప్పవే    సీతమ్మ తల్లి...." వివేకానందులు అంటారు " ప్రపంచవాజ్మయం అంతా నాశనమయిపోయినా ఒక్క రామాయణం ఉన్నా లేక ఒక్క సీతమ్మను జ్ఞప్తిలో ఉంచుకున్నా భారతజాతి ( సనాతనధర్మం ) మరి కొన్నివేల సంవత్సరాలవరకూ నిలిచి ఉంటుంది " అని. ఎందుకని అంటే " శ్రీరాముడు లాంటి అందగాడు, ధీరోదాత్తుడు, ధర్మపరుడు ఇంకొకరు కనబడవచ్చు శ్రద్ధగా వెదికితే కాని సీతమ్మలాంటి స్త్రీ మాత్రం దొరకదు కాక దొరకదు " అని ఆయన నొక్కి వక్కాణించారు. అమ్మ కౌసల్యను అనునయించి ఒప్పించిన తరువాత రాముడు సీతమ్మ దగ్గరకు వెడతాడు ఆవిడను కూడా అనునయించి అరణ్యవాసానికి బయలుదేరడానికి. " మా తండ్రి నన్ను వనవాసానికి వెళ్ళమన్నారు " అని మాత్రం అనగానే సీతమ్మ " నేను కూడా మీతో పాటే " అంది. మిమ్మల్ని అనుసరిస్తాను అనలేదు. మీముందుండి మీమార్గంలో ఉండే ముళ్ళు రాళ్ళు తొలగిస్తూ మీమార్గం సుగమం చేస్తాను అంది తల్లి.  ఇక్కడ సీతమ్మ ఒక ధర్మసూక్ష్మం తెలియచేసింది జాతికి. తల్లిదండ్రులు, తోబుట్టువులు, సంతానం ఎవరికయినా ఎవరి భాగ్యం వారిదే, ఎవరి కష్టాలు వారివే. కాని ఒక్క భార్యాభర్తలదే ...
Read more

అన్నదానం వల్ల ఎవరెవరికి పుణ్యం వస్తుంది - చీమలపాటి సూర్యనారాయణ

 🙏"శ్రీరస్తు శుభమస్తు"🙏 " న దైవాంశో దదాత్యన్నం    న రుద్రః రుద్రమర్చతి,   నా నృషిః కురుతే కావ్యం    న విష్ణుః పృథివీ పతిః " " దైవాంశ లేని వాడు అన్నదానం చేయలేడు. రుద్రాంశ లేని వాడు దైవపూజ చేయలేడు. ఋషికాని వాడు కావ్యమును వ్రాయలేడు. విష్ణువు అంశలేని వాడు రాజుకాలేడు‌ " అని భావం. అన్నదానం చేయడం అంత చిన్న విషయం కాదు. మాయ దానిని చేయనివ్వదు. ఒకసారి అన్నదానం చేయడం వలన ఎవరెవరికి పుణ్యం కలుగుతుందో చూద్దాం. అన్నదానం చేద్దాం అని సంకల్పం చేసినవారు, ఏర్పాట్లు చేసినవారు, ధనం సమకూర్చినవారు, సరుకులు తెచ్చినవారు, వండినవారు, వడ్డించినవారు, తిన్నతరువాత శుభ్రం చేసినవారు, సరుకులు తేవడంనుంచి శుభ్రం చేసేవరకూ ఏర్పాట్లు చేసినవారు - వీరందరికీ అన్నదానపుణ్యంలో భాగం వస్తుంది.  ఈ పుణ్యాత్ములందరూ ఒకచోట చేరితేనే అన్నదానం సాధ్యమవుతుంది. దానికి దైవాంశ తోడవాలి. అందుకే దైవాంశ లేనివాడు అన్నదానం చేయలేడు అని తెలియచేస్తూంది సుభాషితం. సృష్టికి అన్నమే మూలం. ఇదే " పురుష శక్తి/స్త్రీ అండం " గా మారుతుంది. అందుకే అన్నం పరబ్రహ్మ స్వరూపం అని తెలియచేస్తున్నాయి ఉపనిషత్తులు.  విష్ణుసహస్రంలో స్వామ...
Read more

శ్రీసరస్వతీ దేవి పుట్టినరోజు నేడు,, శుభాకాంక్షలు అందరికీ - చీమలపాటి సూర్యనారాయణ

 🙏"శ్రీమాత్రేనమః"🙏 శ్రీసరస్వతీదేవి " పుట్టినరోజు నేడు. శ్రీపంచమి/వసంతపంచమి/మాఘపంచమి అని వేడుక చేసుకుంటారు భక్తులు. " సరస్వతీ " - అమ్మవారి అద్భుతనామం. ఇది శ్రీలలితాసహస్రరహస్యనామాల్లో 704 వ నామం. " సరస్వతీ " అంటే జ్ఞానాధిష్టానదేవత. అంటే అజ్ఞానాంధకారాన్ని పోగొట్టేది. అజ్ఞానం తొలగుతే సచ్చిదానందమే కదా. " విద్యా దదాతి వినయం,    వినయాత్ యాతి పాత్రతాం,    పాత్రత్వాత్ ధనమాప్నోతి,    ధనాత్ ధర్మం తతో సుఖం " అని చెబుతూంది నరసింహ సుభాషితం .  ఏ జీవి అయినా సుఖాన్నే కోరుకుంటాడు, ఆఖరికి మరణంలో కూడా. ఈ సుఖానికి మూలం విద్య అని తెలుసుకోవాలి. విద్యనుంచే వినయం, అర్హత, ధనం, ధర్మం, సుఖం వరుసగా లభిస్తాయి. ఈనాడు మధ్యతరగతివారి జీవితాలు సుఖమయంగా ఉన్నాయంటే విద్యవలనే అని అర్ధం అవుతూంది. ఇక్కడ విద్య నుంచి వినయం అన్నారు. వినయం అంటే అందరూ అనుకునేది కాదు. ఆదిశంకరులు వినయః అంటే ఉపశమః అని భాష్యం చెప్పారు. అంటే శాంతి. మన పూర్వపు విద్య శాంతిని కలిగించేది. జీవితం సుఖంగా ఉండేది. ఇప్పటి విదేశీవాడు పెట్టిన చదువులు " అశాంతి " ని కలిగిస్తున్నాయి. అందుకే యువత నిస్పృహలో ఉండి...
Read more