ధీరులు, నిరపేక్షులు, స్వాత్మారాములకు అమ్మవారి జపం తప్ప వేరే ధ్యాస ఏమీ ఉండదు, అటువంటి వారిది బ్రహ్మానందస్థితి - చీమలపాటి సూర్యనారాయణ

 🙏"శ్రీమాత్రేనమః"🙏

" స్వాత్మారామా " - అమ్మవారి ఒక అద్భుతనామం. ఇది శ్రీలలితాసహస్రరహస్యనామాలలో 878 వ నామం. 

" స్వాత్మారామా " అంటే తన ఆత్మయందే తను క్రీడించడం. క్రీడ అంటే ఆనందం.

ఇంద్రియాలను పరమాత్మవైపు పయనింప చేయడం, ఆత్మను గుర్తించడం చేస్తే జీవితమునకు సార్ధకత. అశాశ్వతమైన ప్రకృతి విషయాలవైపు సాగుతే జీవితం వ్యర్ధం. 

వేదం " విశ్వేదేవాః సమనసః సకేతా ఏకం క్రతుం అభిబియంతు సాధు " అని తెలియచేస్తూంది - ఒకటే పని - అది పరమాత్మను తెలుసుకోవడం. విశ్వేదేవాః అంటే ఇంద్రియాలు.

యోగులు, మహాత్ములు అంటారు " పరమాత్మ మనలోనే ఎందుకు ఉన్నాడంటే దగ్గరగా ఉంటే ఎప్పటికయినా తెలుసుకునే ప్రయత్నం చేస్తామని. అదే దూరంగా ఉంటే బద్ధకిస్తామేమో " అని. ఎంతటి కరుణామయుడు.

అన్నమయ్య " మొదలుండ కొనలకు మోచి నీళ్ళు పోయనేల, ఎదలో నీవుండ ఇతరములేల " అంటారు.

కఠోపనిషత్తు " జీవుడి హృదయంలో తన బొటనవ్రేలు ప్రమాణంలో ఉంటారు పరమాత్మ " అని తెలియచేస్తూంది. ఎవరి వ్రేలు ప్రమాణం వారిదే. ఎంత అద్భుతం.

హృదయంలో పద్మం మొగ్గలా ఉంటారు పరమాత్మ. సాధనచేసేకొలదీ మొగ్గ విచ్చుకుని పద్మంలా అవుతుంది. కంచి పరమాచార్య, రమణమహర్షి, రామకృష్ణ పరమహంస మొ.గువారు నిరంతర సాధనతో ఆ స్థితికి చేరారు. 

రమణమహర్షి " అరుణాచల పరమాత్మన్ అరుణోభవ, చిత్తకంజ సువికాశాయ " అంటారు. " మా మనస్సు మొగ్గలా ముడుచుకుపోయింది. నీ కరుణ అనే అరుణకిరణాలను ప్రసరించి అది విచ్చుకునేలా చెయ్యి తండ్రీ ( సూర్యకిరణాలు సోకితే పద్మం వికసిస్తుంది ) " అని ప్రార్ధిస్తారు. కారణజన్ములు.

" ధీరులు నిరపేక్షులు 

  నాత్మారాములునైన    

  మునులు హరిభజనము   

  నిష్కారణమ   

  చేయుచుందురు

  నారాయణుఁ డట్టివాఁడు 

  నవ్య చరిత్రా‌ " 

         - పోతనభాగవతం.

పోతనగారు భాగవతం వ్రాస్తూన్నప్పుడు " అలవైకుంఠపురంబులో..... " అనే పద్యం రాముడు స్వయంగా వచ్చి వ్రాస్తారు. తులసీదాసు రామాయణం వ్రాసినప్పుడు హనుమ ప్రక్కన కూర్చుని సందేహం వస్తే తీరుస్తూ ఉండేవారుట.

అటువంటి వారికి వేరే వ్యాపకమే ఉండదు, హరినామస్మరణ తప్ప. త్యాగయ్య 96 కోట్ల శ్రీరామజపం చేసారు, పుణ్యపురుషులు.

కొంచెం కష్టమే అయినా సాధన చేయగా చేయగా ఆ స్థితి కలుగుతుంది, అలవాటు అయిపోతుంది. ఏపని చేసుకుంటూ ఉన్నా లోపల రామనామజపం జరిగిపోతూ ఉంటుంది. ఏ కర్మ చేసినా పరదేవతార్పణం అయిపోతుంది. దానికి అమ్మవారి అనుగ్రహం తప్పనిసరి.

ఏతత్ సర్వం శ్రీపరదేవతార్పణమస్తు - సూర్య.

శుభం భూయాత్

Comments

Post a Comment

Popular posts from this blog

సీతమ్మతల్లికి సాటి ఎవరు? - చీమలపాటి సూర్యనారాయణ

 🙏"శ్రీరస్తు శుభమస్తు"🙏  " నను బ్రోవమని చెప్పవే    సీతమ్మ తల్లి...." వివేకానందులు అంటారు " ప్రపంచవాజ్మయం అంతా నాశనమయిపోయినా ఒక్క రామాయణం ఉన్నా లేక ఒక్క సీతమ్మను జ్ఞప్తిలో ఉంచుకున్నా భారతజాతి ( సనాతనధర్మం ) మరి కొన్నివేల సంవత్సరాలవరకూ నిలిచి ఉంటుంది " అని. ఎందుకని అంటే " శ్రీరాముడు లాంటి అందగాడు, ధీరోదాత్తుడు, ధర్మపరుడు ఇంకొకరు కనబడవచ్చు శ్రద్ధగా వెదికితే కాని సీతమ్మలాంటి స్త్రీ మాత్రం దొరకదు కాక దొరకదు " అని ఆయన నొక్కి వక్కాణించారు. అమ్మ కౌసల్యను అనునయించి ఒప్పించిన తరువాత రాముడు సీతమ్మ దగ్గరకు వెడతాడు ఆవిడను కూడా అనునయించి అరణ్యవాసానికి బయలుదేరడానికి. " మా తండ్రి నన్ను వనవాసానికి వెళ్ళమన్నారు " అని మాత్రం అనగానే సీతమ్మ " నేను కూడా మీతో పాటే " అంది. మిమ్మల్ని అనుసరిస్తాను అనలేదు. మీముందుండి మీమార్గంలో ఉండే ముళ్ళు రాళ్ళు తొలగిస్తూ మీమార్గం సుగమం చేస్తాను అంది తల్లి.  ఇక్కడ సీతమ్మ ఒక ధర్మసూక్ష్మం తెలియచేసింది జాతికి. తల్లిదండ్రులు, తోబుట్టువులు, సంతానం ఎవరికయినా ఎవరి భాగ్యం వారిదే, ఎవరి కష్టాలు వారివే. కాని ఒక్క భార్యాభర్తలదే ...
Read more

అన్నదానం వల్ల ఎవరెవరికి పుణ్యం వస్తుంది - చీమలపాటి సూర్యనారాయణ

 🙏"శ్రీరస్తు శుభమస్తు"🙏 " న దైవాంశో దదాత్యన్నం    న రుద్రః రుద్రమర్చతి,   నా నృషిః కురుతే కావ్యం    న విష్ణుః పృథివీ పతిః " " దైవాంశ లేని వాడు అన్నదానం చేయలేడు. రుద్రాంశ లేని వాడు దైవపూజ చేయలేడు. ఋషికాని వాడు కావ్యమును వ్రాయలేడు. విష్ణువు అంశలేని వాడు రాజుకాలేడు‌ " అని భావం. అన్నదానం చేయడం అంత చిన్న విషయం కాదు. మాయ దానిని చేయనివ్వదు. ఒకసారి అన్నదానం చేయడం వలన ఎవరెవరికి పుణ్యం కలుగుతుందో చూద్దాం. అన్నదానం చేద్దాం అని సంకల్పం చేసినవారు, ఏర్పాట్లు చేసినవారు, ధనం సమకూర్చినవారు, సరుకులు తెచ్చినవారు, వండినవారు, వడ్డించినవారు, తిన్నతరువాత శుభ్రం చేసినవారు, సరుకులు తేవడంనుంచి శుభ్రం చేసేవరకూ ఏర్పాట్లు చేసినవారు - వీరందరికీ అన్నదానపుణ్యంలో భాగం వస్తుంది.  ఈ పుణ్యాత్ములందరూ ఒకచోట చేరితేనే అన్నదానం సాధ్యమవుతుంది. దానికి దైవాంశ తోడవాలి. అందుకే దైవాంశ లేనివాడు అన్నదానం చేయలేడు అని తెలియచేస్తూంది సుభాషితం. సృష్టికి అన్నమే మూలం. ఇదే " పురుష శక్తి/స్త్రీ అండం " గా మారుతుంది. అందుకే అన్నం పరబ్రహ్మ స్వరూపం అని తెలియచేస్తున్నాయి ఉపనిషత్తులు.  విష్ణుసహస్రంలో స్వామ...
Read more

శ్రీసరస్వతీ దేవి పుట్టినరోజు నేడు,, శుభాకాంక్షలు అందరికీ - చీమలపాటి సూర్యనారాయణ

 🙏"శ్రీమాత్రేనమః"🙏 శ్రీసరస్వతీదేవి " పుట్టినరోజు నేడు. శ్రీపంచమి/వసంతపంచమి/మాఘపంచమి అని వేడుక చేసుకుంటారు భక్తులు. " సరస్వతీ " - అమ్మవారి అద్భుతనామం. ఇది శ్రీలలితాసహస్రరహస్యనామాల్లో 704 వ నామం. " సరస్వతీ " అంటే జ్ఞానాధిష్టానదేవత. అంటే అజ్ఞానాంధకారాన్ని పోగొట్టేది. అజ్ఞానం తొలగుతే సచ్చిదానందమే కదా. " విద్యా దదాతి వినయం,    వినయాత్ యాతి పాత్రతాం,    పాత్రత్వాత్ ధనమాప్నోతి,    ధనాత్ ధర్మం తతో సుఖం " అని చెబుతూంది నరసింహ సుభాషితం .  ఏ జీవి అయినా సుఖాన్నే కోరుకుంటాడు, ఆఖరికి మరణంలో కూడా. ఈ సుఖానికి మూలం విద్య అని తెలుసుకోవాలి. విద్యనుంచే వినయం, అర్హత, ధనం, ధర్మం, సుఖం వరుసగా లభిస్తాయి. ఈనాడు మధ్యతరగతివారి జీవితాలు సుఖమయంగా ఉన్నాయంటే విద్యవలనే అని అర్ధం అవుతూంది. ఇక్కడ విద్య నుంచి వినయం అన్నారు. వినయం అంటే అందరూ అనుకునేది కాదు. ఆదిశంకరులు వినయః అంటే ఉపశమః అని భాష్యం చెప్పారు. అంటే శాంతి. మన పూర్వపు విద్య శాంతిని కలిగించేది. జీవితం సుఖంగా ఉండేది. ఇప్పటి విదేశీవాడు పెట్టిన చదువులు " అశాంతి " ని కలిగిస్తున్నాయి. అందుకే యువత నిస్పృహలో ఉండి...
Read more